Exodo 22:21 - Marahay na Bareta Biblia

²¹ “Dai nindo pagpasakitan o pagdaog-daogon an sarong dayuhan; giromdomon nindo na nagin mga dayuhan man kamo sa Egipto.

Exodo 22:21 ပူးပေါင်းရင်းမြစ်များ

An Libro ni Job 6:27

Riniripahan pa nindo an mga oripon na ilo asin nagpapayaman kamo huli sa saindong mga katood!

Salmo 146:9

An mga dayuhan sinusurog nin Kagurangnan, an mga ilo asin balo saiyang tinatabangan, alagad rinaraot niya an mga plano kan mga tampalasan.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Exodo 23:9

“Dai mo pagdaog-daogon an sarong dayuhan; aram mo an namamatean niya, huli ta ika nagin dayuhan man sa daga nin Egipto.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Levitico 19:13

“Dai nindo pag-apihon o paghabonan an saindong kapwa. Dai nindo pag-abalahon an sweldo nin sarong parapatandan minsan sarong banggi sana.

Levitico 19:33

“Dai nindo paggibohan nin maraot an sarong dayuhan na nakikihimanwa sa saindong daga.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Levitico 25:35

“Kun magin dukha an kapwa nindo Israelita na nag-eerok sa harani nindo asin dai na niya kayang buhayon an saiyang sadiri, dapat na tawan nindo siya kan kaipuhan niya sa buhay, tanganing padagos siyang mamuhay sa kaibahan nindo, arog sa sarong dayuhan o nakikihimanwa.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 1:16

“Sinabihan ko sinda kaidto, ‘Dangogon nindo an mga kasong idinodolok saindo kan mga tawo, asin hukoman nindo nin matanos an kaso kan kapwa nindo Israelita o kan mga dayuhan na nakikihimanwa saindo.

Deuteronomio 10:18

Tinatawan niya nin katanosan an mga ilo saka mga babaeng balo; namomotan niya an mga dayuhan na nakikihimanwa sa satong banwaan asin tinatawan niya sinda nin pagkakan saka gubing.

Deuteronomio 10:19

Kaya kamotan nindo an mga dayuhan huli ta nagin dayuhan man kamo sa Egipto.

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 23:16

Pwede siyang mag-erok sa arin man kan saindong mga banwa na pilion niya, asin dai nindo siya pag-apihon.

Deuteronomio 23:7

“Dai kamo mauyam sa mga Edomita, huli ta mga kadugo nindo sinda. Dai kamo mauyam sa mga Egipcio, huli ta nag-erok kamo kaidto sa saindang daga.

Deuteronomio 24:17

“Dai nindo paghalean nin katanosan an mga dayuhan asin an mga ilo; dai nindo pagkuahon bilang sangra sa utang an gubing nin sarong babaeng balo.

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’