Exodo 22:17 - Marahay na Bareta Biblia

¹⁷ Alagad kun habong ipakasal kan ama an saiyang aking babae, an lalaki dapat magtao sa ama kan kantidad na pareho kan dote para sa sarong birhen.

Exodo 22:17 ပူးပေါင်းရင်းမြစ်များ

Genesis 23:16

Nag-oyon si Abraham kaya tinimbang niya an halagang sinambit ni Efron sa atubang kan mga tawo—kwatro syentos na pedasong plata, sosog sa kinaugalean na timbang na ginagamit kan mga negosyante.

Genesis 30:20

Olay niya, “Tinawan ako nin Dios nin magayon na regalo; ngunyan aakoon na ako ni Jacob bilang agom huli ta anom nang aking lalaki an ipinangaki ko”; kaya an aki nginaranan niyang Zabulon.

Genesis 34:12

Sabihan nindo sako an ano man na regalo saka dote sa kasal, asin itatao ko saindo, kun tugotan nindo akong agomon siya.”

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Deuteronomio 18:10

Dai nindo pagtutongon sa altar an saindong mga aki bilang atang; dai nindo pagtugotan an siisay man na Israelita na maghula, maghimalad, magtood-tood o mangkulam,

Deuteronomio 22:29

kaipuhan bayadan niya nin singkwentang pedasong plata an ama kan babae, asin magigin agom niya an babae huli ta pinirit niyang magdorog saiya. Dai niya pwedeng suhayan an babae sa bilog niyang pagkabuhay.

1 Samuel 18:25

Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)

1 Samuel 28:3

Gadan na kaidto si Samuel, asin nagmondo an gabos na Israelita para saiya; ilinubong siya ninda sa Rama na sadiri niyang banwa. Pinahale na kaidto ni Saul sa Israel an gabos na espiritista asin parahula.