Exodo 22:13 - Marahay na Bareta Biblia

¹³ Kun an hayop ginadan nin mga lalaw na hayop, ipapahiling kan nag-ataman an natadang parte kan hayop bilang ebidensya asin dai siya kaipuhan magbayad para sa ginadan na hayop.

Exodo 22:13 ပူးပေါင်းရင်းမြစ်များ

Exodo 22:12

Alagad kun hinabon saiya an hayop, kaipuhan bayadan niya an kagsadiri.

Exodo 22:14

“Kun an sarong tawo nagsubli nin sarong hayop asin ini nalugadan o nagadan na dai an kagsadiri, babayadan ini kan nagsubli.

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Amos 3:12

Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Nahum 2:12

Ginadan kan leon an saiyang biktima dangan pinedaso para sa saiyang agom saka mga ogbon; pinano niya an saiyang lungib nin mga pinedasong karne.