Exodo 22:10 - Marahay na Bareta Biblia

¹⁰ “Kun ipaataman nin sarong tawo sa saiyang kapwa an sarong asno, baka, karnero o ano man na hayop, asin ini nagadan o nalugadan o kaya nawara alagad mayo nin nakahiling,

Exodo 22:10 ပူးပေါင်းရင်းမြစ်များ

Genesis 39:8

Nagsayuma si Jose asin nagsabi, “Dai na naghahadit an sakong kagurangnan kan manongod digdi sa harong huli ta uya ako. Ginibo niya akong parapamahala kan gabos niyang pagsadiri;

Exodo 22:11

an nag-ataman maatubang sa Kagurangnan asin masumpa na dai niya hinabon an hayop. Kun dai hinabon an hayop, matubod an kagsadiri sa sumpa kan nag-ataman asin dai niya ini papabayadon.

Exodo 22:9

“Sa lambang kaso nin pag-iriwal manongod sa mga pagrogaring arog kan baka, asno, karnero, gubing asin iba pa, an duwang tawo na parehong nagsasabi, ‘Iyo ini an nawawara ko’, iaatubang sa Dios. An ipahayag nin Dios na igwang sala, mabayad nin doble sa tunay na kagsadiri.

Lukas 12:48

Alagad an sorogoon na dai nakakaaram kan kabotan kan saiyang kagurangnan, asin naggibo nin anoman na maninigo nin padusa, hahampakon nin kadikit. An pinaniwalaan nin dakul, hahanapan nin dakul; an pinaniwalaan nin mas dakul, hahanapan man nin mas dakul.

Lukas 16:11

Kaya kun dai kamo mapapaniwalaan kan kayamanan sa kinaban na ini, siisay an mapaniwala saindo kan tunay na kayamanan?

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.