Exodo 21:14 - Marahay na Bareta Biblia

¹⁴ Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Exodo 21:14 ပူးပေါင်းရင်းမြစ်များ

2 Samuel 3:27

Pag-abot ni Abner sa Hebron, isiniblag siya ni Joab sa may trangkahan, na garo boot kaolayon sa hilom, asin duman binuno siya ni Joab sa tulak. Kaya ginadan si Abner huli ta ginadan niya an tugang ni Joab na si Asahel.

2 Mga Hade 11:15

Habo ni Jehoiada na gadanon si Atalia sa laog kan Templo kaya pinagbotan niya an mga opisyal kan hukbo, “Isiblag siya sa grupo kan mga bantay, asin gadanon nindo an siisay man na maghingowang magligtas saiya.”

Salmo 19:13

Ligtasan man ako, sa mga tuyong kasalan; hare pagtugot na maghade sako an mga iyan. Dangan ako magigin dalisay asin ligtas sa karatan nin kasalan.

Exodo 21:15

“An siisay man na magkulog kan sadiring ama o ina dapat gadanon.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Mga Bilang 35:16

“Alagad kun an sarong tawo maggamit nin armas na lansang o gapo o kahoy tanganing gadanon an kapwa, nagkasala siya nin paggadan asin dapat gadanon.

Deuteronomio 1:43

Pinatanidan ko kamo alagad habo kamong magdangog. Sinuhay nindo an pagboot nin Kagurangnan, asin sa saindong kapaabaw-abawan nagtukad kamo sa mabulod na daga.

Deuteronomio 18:22

Kun an sarong propeta magtaram sa ngaran nin Kagurangnan, dangan dai magkatotoo an saiyang sinabi, kun siring, bako iyan mensahe nin Kagurangnan. Nagtaram an propetang iyan sa saiyang sadiring kapangyarihan, asin dai kamo dapat na matakot saiya.

Deuteronomio 27:24

“‘Maldisyonon an siisay man na hilom na gumadan sa saiyang kapwa.’ “Dangan an bilog na banwaan masimbag, ‘Amen!’

Hebreyo 10:26

Huli ta kun padagos kita sa tuyong pagkakasala pakatapos na mamidbidan ta an katotoohan, mayo na nin anoman na sakripisyo na makakahale kan satong mga kasalan.

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.