Exodo 20:8 - Marahay na Bareta Biblia

⁸ “Giromdoma nindo an Sabbath asin pakabanala nindo iyan.

Exodo 20:8 ပူးပေါင်းရင်းမြစ်များ

Genesis 2:2

Kan matapos nin Dios an gabos niyang gibo, nagpahingalo siya sa ikapitong aldaw.

Genesis 2:3

Kaya benendisyonan niya asin pinabanal an ikapitong aldaw, huli ta sa aldaw na iyan nagpahingalo siya sa gabos niyang gibo nin paglalang.

Nehemias 13:15

Kan mga aldaw na idto, nakahiling ako nin mga tawo na nagtatrabaho sa pugaan nin ubas sa aldaw na Sabbath. An iba nagdadara nin mga trigo, arak, ubas, higera, asin iba pang mga bagay na ilinulunad ninda sa mga asno dangan dinadara sa Jerusalem. Pinatanidan ko sinda na dai magpabakal nin anoman kun Sabbath.

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 31:12

Pinagbotan nin Kagurangnan si Moises

Exodo 35:1

Tinipon ni Moises an bilog na komunidad nin Israel asin sinabihan, “Ini an ipinagboot nin Kagurangnan na gibohon nindo:

Isaias 56:2

Bebendisyonan ko an mga danay na nag-ootob kan Sabbath asin dai nagbabasang-basang kaiyan. Bebendisyonan ko an mga dai naggigibo nin maraot.”

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Jeremias 17:21

Sabihan mo sinda na kun namomotan ninda an saindang buhay, dai nanggad sinda magdara nin anoman kun aldaw nin Sabbath; dai nanggad sinda magdara nin anoman kun malaog sinda sa mga trangkahan nin Jerusalem

Jeremias 17:22

o magdara nin anoman paluwas sa saindang mga harong kun aldaw nin Sabbath. Dai sinda magtrabaho kun Sabbath; ipaglehe ninda ini bilang sarong banal na aldaw siring kan ipinagboot ko sa saindang mga ginikanan.

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Ezekiel 20:20

Pakabanala nindo an Sabbath, tanganing magin tanda iyan kan tipan na ginibo nyato asin magpapagiromdom saindo na ako an Kagurangnan na saindong Dios.

Levitico 19:3

Galangan kan lambang saro saindo an saiyang ina saka ama, asin otobon nindo an sakong mga Sabbath. Ako an Kagurangnan na saindong Dios.

Levitico 19:30

Otobon nindo an Sabbath, asin galangan nindo an lugar na pinagsasambahan sako. Ako an Kagurangnan.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Levitico 26:2

Otobon nindo an sakuyang mga Sabbath asin galangan nindo an lugar na pinagsasambahan sako. Ako an Kagurangnan.

Mga Bilang 15:32

Kan nasa kalangtadan pa an mga Israelita, nahiling an sarong lalaki na nangangahoy sa aldaw nin Sabbath.

Deuteronomio 5:12

“‘Giromdoma nindo an Sabbath asin pakabanala nindo iyan, siring na ako, an Kagurangnan na saindong Dios, iyo an nagboot saindo.