Exodo 20:5 - Marahay na Bareta Biblia

⁵ Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 20:5 ပူးပေါင်းရင်းမြစ်များ

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

2 Samuel 21:6

Kaya itao mo samo an pito kan saiyang mga lalaking kapagarakian, asin sa atubangan nin Kagurangnan, bibitayon mi sinda sa Gibeon, sa sadiring banwa ni Saul, an piniling hade nin Kagurangnan.” Nagsimbag an hade, “Itatao ko sinda saindo.”

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 17:35

An Kagurangnan nakipagtipan sainda asin nagboot, “Dai kamo magsamba sa ibang dios; dai kamo magduko sainda, ni maglingkod o magdolot nin mga atang.

2 Mga Hade 17:41

Kaya nagsamba sa Kagurangnan an mga tawong idto alagad nagsamba man sinda sa mga ladawan kan mga dios ninda; ini man an ginigibo kan saindang mga kapagarakian sagkod ngunyan.

2 Mga Hade 23:26

Alagad dai nahale an makuring kaanggotan kan Kagurangnan laban sa Juda huli kan ginibo ni Hadeng Manases.

2 Mga Hade 5:18

Patawadon logod ako nin Kagurangnan kun ibahan ko an hade sa templo ni Rimmon, an dios nin Siria, asin sambahon siya. Patawadon logod ako nin Kagurangnan sa bagay na ini.”

2 Mga Hade 5:27

Kaya an helang ni Naaman mapapasaimo asin sa saimong mga kapagarakian sagkod pa man!” Kan maghale si Gehazi, igwa na siya kan helang ni Naaman—an saiyang kublit nagin maputi siring sa ambon.

2 Mga Cronica 25:14

Pagbalik ni Amazias hale sa saiyang panggana sa mga Edomita, dinara niya an mga dios-dios kan mga ini, minidbid bilang mga dios niya, sinamba asin dinolotan nin tinutong na atang.

2 Mga Cronica 7:19

Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

An Libro ni Job 21:19

“Sinasabi nindong pinapadusahan nin Dios an aki huli kan kasalan kan saiyang ama. Dai! Dapat padusahan nin Dios an mga nagkasala mismo; dapat na ipahiling niya na ginigibo niya iyan huli kan saindang mga kasalan.

An Libro ni Job 5:4

An saiyang mga aking lalaki harayo sa kaligtasan; nagkakaroronot sinda sa trangkahan asin mayo nin minaligtas sainda.

Salmo 109:14

Giromdomon logod nin Kagurangnan an karatan kan saiyang mga ginikanan; an kasalan kan saiyang ina dai logod mapatawad.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Salmo 79:8

Dai mo kami pagpadusahan huli sa kasalan kan samong mga ginikanan; madya sa pagtabang samuya ngunyan, huli ta nawawaran kami nin paglaom.

Salmo 81:15

Sa atubang ko, maduko sa takot an mga naaanggot sako; an saindang padusa magdadanay sagkod lamang.

Exodo 23:24

Dai kamo magduko o magsamba sa saindang mga dios-dios, o mag-arog kan saindang mga ginigibo. Raoton nindo an saindang mga dios-dios asin gabaon nindo an saindang mga banal na hariging gapo.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Isaias 44:15

An tawo minagamit kan sarong kabtang nin kahoy tanganing igatong asin an sarong kabtang kaiyan tanganing gibohon na rebulto. An sarong kabtang kan kahoy minamakotan niya tanganing mahimbongan siya asin tanganing makagibo nin tinapay; an sarong kabtang ginigibo niyang dios-dios dangan sinasamba iyan.

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”

Jeremias 2:9

“Kaya ako, an Kagurangnan, mareklamo laban sa sakong banwaan. Irereklamo ko an saindang mga kapagarakian.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Ezekiel 18:19

“Alagad minahapot kamo, ‘Tadaw ta dai magtios an aki huli sa mga kasalan kan saiyang ama?’ An simbag iyo na an aki naggibo kan matanos saka marahay. Inotob niya an sakong mga pagboot asin maingat na sinunod iyan, kaya totoong mabubuhay siya.

Ezekiel 18:2

“Ano ining talinhaga na pinag-uulit-ulit kan mga tawo sa daga nin Israel? ‘An mga magurang an nagkakan kan maalsom na ubas, Alagad an mga aki iyo an nangilohan.’

Ezekiel 20:7

Tinaraman ko sindang itapok an makauuyam na mga bagay na namomotan ninda asin na dai ninda pagdigtaan an saindang sadiri huli kan mga dios-dios nin Egipto, huli ta ako an Kagurangnan na saindang Dios.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Ezekiel 8:3

Inunat niya an garo sarong kamot dangan pinugol ako sa buhok. Dangan sa bisyon na ini, initaas ako kan espiritu nin Dios asin dinara sa Jerusalem. Dinara niya ako sa palaog kan trangkahan sa amihan kan Templo, saen namumugtak an sarong ladawan na sarong insulto sa Dios.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Levitico 20:5

ako mismo an mapadusa saiya asin sa saiyang pamilya patin sa gabos na nakisumaro saiya sa pagtalikod sako tanganing sambahon si Molec. Dai ko sinda ibibilang na kaayon sa sakuyang banwaan.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Levitico 26:29

Magigin makuri an saindong gutom, kaya kakakanon nindo an sadiri nindong mga aki.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Mga Bilang 14:33

An saindong mga aki maglalagalag sa kalangtadan sa laog nin kwarentang taon asin magtitios sinda huli kan saindong mga kasalan sagkod na magadan an natatada saindo.

Mga Bilang 25:11

“Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

Mateo 4:9

Nagsabi an Demonyo, “Iyan gabos itatao ko saimo, kun lumuhod ka asin magsamba sako.”

Juan 15:18

“Kun ikinakaongis kamo kan kinaban, dapat nindong giromdomon na ako an enot na ikinaongis kaiyan.

Juan 7:7

Dai kamo ikakaongis kan kinaban, alagad ikinakaongis ako, huli ta pinapatotoohan ko an mga maraot na gibo kan kinaban.

Juan 9:2

Hinapot siya kan mga disipulo, “Rabbi, siisay an nagkasala ta namundag na buta an tawong iyan, siya o an mga magurang niya?”

Roma 1:30

mga paralibak, naoongis sa Dios, mga daing ugale, mapalangkaw asin mapaabaw-abaw; mga paratogdas nin karatan, mga sutil sa magurang;

Roma 8:7

Kaiwal nin Dios an mga nag-iisip kan mga bagay na sa laman, huli ta dai sinda nagkukuyog sa katogonan nin Dios saka dai nanggad sinda makakakuyog kaiyan.

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 32:41

na tataison ko an sakong nagkikinang na espada tanganing gamiton para sa katanosan. Babaloson ko an sakong mga kaiwal, asin papadusahan idtong mga naoongis sako.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Deuteronomio 5:10

Alagad ipinapahiling ko an danay kong pagkamoot sa ribo-ribong henerasyon kan mga namomoot sa sako asin nag-ootob kan sakong mga togon.

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Deuteronomio 6:15

Kun magsamba kamo sa mga dios-dios, malaad saindo an kaanggotan nin Kagurangnan asin tutunawon niya kamo, huli ta an Kagurangnan na nasa kaibahan nindo, sarong maimon na Dios.

Deuteronomio 7:10

alagad dai siya nagduduwa-duwa sa pagpadusa sa mga naaanggot saiya.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.

Josue 23:16

Kun dai kamo magkuyog kan tipan na ipinagboot nin Kagurangnan na saindong Dios na sunodon nindo, saka kun maglingkod kamo dangan magsamba sa ibang mga dios, malaad saindo an kaanggotan nin Kagurangnan asin tolos na magagadan kamo, sagkod na mayo nang matada saindo digdi sa marahay na dagang itinao niya saindo.”

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

Hukom 2:19

Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.