Exodo 20:26 - Marahay na Bareta Biblia

²⁶ Dai nindo ako ipaggibo nin altar na may mga tangga, huli ta kun magsakat kamo diyan, mahihiling an saindong pagkanihuba.

Exodo 20:26 ပူးပေါင်းရင်းမြစ်များ

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Exodo 28:42

Ipagibo mo sinda nin linong sarwal na sagkod sa paa tanganing matahoban an saindang pagkanihuba.

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Parahulit 5:1

Mag-ingat ka kun minaduman ka sa Templo. An magrani tanganing maghinanyog mas marahay ki sa magdolot nin sakripisyo siring sa ginigibo kan mga lolong na tawo, na dai aram na naggigibo sinda nin maraot.

Ezekiel 43:17

Kwadrado man an kabtang na nasa tahaw: pitong metros an laba asin pitong metros an lakbang, na may sarong molde sa palibot na beynte y singko sentimetros an langkaw. (An sagurong kaini sa palibot may lakbang na singkwenta sentimetros.) An hagdan pasiring sa altar yaon sa parteng sirangan.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

1 Pedro 1:16

Siring sa nasusurat, “Magpakabanal kamo huli ta ako banal.”