Exodo 20:25 - Marahay na Bareta Biblia

²⁵ Kun maggibo kamo nin altar na gapo para sako, dai kamo maggamit nin sinapsapan na gapo, huli ta kun gamitan nindo nin pansapsap an gapo, bako na iyan maninigo para sako.

Exodo 20:25 ပူးပေါင်းရင်းမြစ်များ

1 Mga Hade 6:7

Tinarabas na an mga gapong ginamit sa Templo, kaya mayong pinagukpok nin martilyo, patok, o sa iba pang mga kagamitan na lansang mantang ginigibo an Templo.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Ezekiel 40:42

Igwa man nin apat na lamesa sa laog kan edipisyo. Ginagamit ini sa pag-andam kan mga atang na tututongon na bilog. An mga lamesang ini gabos tinabas na gapo, na an lambang saro may langkaw na singkwenta sentimetros asin an ibabaw kaini setenta y singko sentimetros kwadrado. Sa mga lamesang ini ibinubugtak an gabos na kagamitan sa pagbuno kan mga hayop na iaatang.

Josue 8:31

Ginibo niya ini siring sa ipinagboot ni Moises sa mga Israelita, siring sa sinasabi sa Katogonan ni Moises: “sarong altar na gibo sa gapo na dai sinapsapan nin lansang na kasangkapan.” Sa ibabaw kan altar na idto nagdolot sinda sa Kagurangnan nin mga tinutong na atang asin mga dolot para sa katoninongan.