Exodo 20:24 - Marahay na Bareta Biblia

²⁴ Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 20:24 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

2 Samuel 6:12

Naaraman ni Hadeng David na huli kan Kaban nin Tipan, benendisyonan nin Kagurangnan an pamilya ni Obed Edom asin an gabos na pagsadiri niya; kaya nagduman si David sa harong ni Obed Edom asin kinua an Kaban nin Tipan dangan dinara sa Jerusalem; nagkaigwa sinda nin dakulang selebrasyon.

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

1 Mga Hade 8:43

hinanyoga an saiyang pamibi. Hale sa langit na saimong erokan, hinanyoga siya asin giboha an hinahagad niya saimo, tanganing mamidbidan ka kan mga tawo sa kinaban dangan kuyogon ka ninda siring kan pagkuyog saimo kan banwaan nin Israel. Dangan maaaraman ninda na an Templong ini na ipinatugdok ko iyo an lugar na pagsasambahan saimo.

1 Mga Hade 9:3

Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

2 Mga Hade 5:17

Kaya nagsabi si Naaman, “Kun habo mong akoon an sakong regalo, nakikimaherak ako saimo na tawan mo ako nin daga na kayang darahon nin duwang mula, daga na dadarahon ko pagpuli ko sa harong. Huli ta magpoon ngunyan dai na ako madolot nin mga sakripisyo o mga tinutong na atang sa ibang dios, kundi sa Kagurangnan.

2 Mga Cronica 12:13

Naghade si Rehoboam sa Jerusalem asin nagdakula an saiyang kapangyarihan bilang hade. Kwarenta y uno na an edad ni Rehoboam kan siya magin hade, asin dyes y syeteng taon siyang naghade sa Jerusalem, an syudad na pinili nin Kagurangnan sa gabos na tribu nin Israel bilang lugar na pagsasambahan saiya. An ina ni Rehoboam iyo si Naama na sarong Ammonita.

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 101:2

Ako malakaw sa dalan nin kabanalan. Nuarin ka madalaw sakuya? Sa sakuyang harong mamumuhay ako na malinig an puso,

Salmo 122:2

Uya na kami ngunyan, nakatindog sa may trangkahan mo, O Jerusalem!

Salmo 128:5

Bendisyonan ka logod nin Kagurangnan hale sa Sion! Mahiling mo logod an pag-uswag nin Jerusalem sa bilog mong pagkabuhay!

Salmo 134:3

Hale sa Sion, bendisyonan logod kamo nin Kagurangnan, na naggibo kan langit asin daga!

Salmo 74:7

Sinulo ninda an saimong Templo; rinumpag, dai ginalangan an saimong pinag-eerokan.

Salmo 76:2

An saiyang harong yaon sa Jerusalem, nag-eerok siya sa Bukid nin Sion.

Salmo 78:68

kundi saiyang pinili an tribu ni Juda asin an Bukid nin Sion, na saiyang namomotan.

Exodo 10:25

Nagsimbag si Moises, “Dangan ika na an matao samo nin mga hayop na iaatang sa Kagurangnan na samong Dios.

Exodo 18:12

Dangan nagdolot si Jetro nin tinutong na atang asin nin iba pang mga dolot sa Dios. Nag-abot si Aaron kaiba an gabos na lider nin Israel tanganing sa kaibahan kan panugangan ni Moises magkarakan sinda sa atubang nin Dios.

Exodo 20:25

Kun maggibo kamo nin altar na gapo para sako, dai kamo maggamit nin sinapsapan na gapo, huli ta kun gamitan nindo nin pansapsap an gapo, bako na iyan maninigo para sako.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Exodo 27:1

“Gumibo kamo nin sarong altar na akasya. Kwadrado ini, na dos metros beynte sentimetros an laba asin an lakbang; an langkaw sarong metro may treynta sentimetros.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

Levitico 17:9

asin dai iyan darahon sa may pintoan kan Tabernakulo tanganing ikadolot sa Kagurangnan, dai na ibibilang na kaayon sa banwaan nin Dios.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mateo 18:20

Huli ta kun may duwa o tolo katawo na nagtitiripon sa ngaran ko yaon ako sa kaibahan ninda.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:21

Kun harayong marahay sa saindo an lugar na pagsasambahan, kun boot nindo, pwede kamong magbuno kan arin man sa saindong baka saka karnero na itinao saindo nin Kagurangnan, dangan kakanon nindo iyan sa saindong harong siring sa sinabi ko saindo.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 14:23

Dangan magduman kamo sa lugar na pagsasambahan na pinili nin Kagurangnan na saindong Dios; duman sa atubang niya, kakanon nindo an mga himoloan kan saindong ani, kan saindong arak saka lana, asin kan matua kan saindong mga hayop. Gibohon nindo ini tanganing makanood kamong danay na matakot sa Kagurangnan na saindong Dios.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 26:2

an lambang saro saindo magkua kan enot na mga bunga kan saindong mga tinanom, ilaog nindo sa sarong basket, dangan darahon sa lugar na pagsasambahan sa Kagurangnan.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.