Exodo 20:20 - Marahay na Bareta Biblia

²⁰ Nagsimbag si Moises, “Dai kamo matakot; huli ta an Dios napadigdi sa pagbalo sa saindo. Boot niyang magkaigwa kamo nin takot sa saiya tanganing dai kamo magkasala.”

Exodo 20:20 ပူးပေါင်းရင်းမြစ်များ

Genesis 20:11

Nagsimbag si Abraham, “An paghona ko mayo nin siisay man digdi na may pagkatakot sa Dios, asin gagadanon ninda ako tanganing makua an sakong agom.

Genesis 22:1

Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 3:7

Dai mo ipaghambog an saimong kadonongan; matakot ka sa Kagurangnan, asin likayan mo an karatan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:13

Ako an Kagurangnan na saimong Dios; pinapakosog taka asin sinasabihan, ‘Dai ka matakot; tatabangan taka.’”

Isaias 8:13

Giromdoma na ako, an Kagurangnan nin mga hukbo, banal; ako an saimong dapat na matakotan.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 13:3

dai kamo magtubod saiya. Ginagamit siya nin Kagurangnan na saindong Dios sa pagbalo saindo tanganing mahiling niya kun talagang namomotan nindo siya sa bilog nindong puso.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Deuteronomio 6:24

Dangan pinagbootan kami nin Kagurangnan na satuyang Dios na kuyogon an mga togon na ini asin na matakot kami saiya. Kun gibohon mi ini, aatamanon niya asin papauswagon an satuyang nasyon.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

1 Samuel 12:20

Nagsimbag si Samuel, “Dai kamo matakot; maski nakaginibo kamo kaining dakulang karatan dai sana kamo magtalikod sa Kagurangnan, kundi paglingkodan nindo siya sa bilog nindong puso.