Exodo 20:18 - Marahay na Bareta Biblia

¹⁸ Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 20:18 ပူးပေါင်းရင်းမြစ်များ

Genesis 15:17

Kan solnop na an aldaw asin madiklom na, sarong nag-aasong koron saka sarong naglalaad na karaba an biglang nagtunga dangan nag-agi sa pagultanan kan binaraak na mga hayop.

Genesis 3:10

Nagsimbag siya, “Nadangog taka sa tatamnan; natakot ako kaya nagtago ako huli ta huba ako.”

Salmo 81:7

Kan kamo nasa kahorasaan, inapod nindo ako asin ilinigtas ko kamo. Hale sa pinagtatagoan kong daguldol, sinimbag ko kamo. Binalo ko kamo duman sa mga burabod nin Meriba.

Jeremias 23:23

“Ako an Dios na yaon maski saen, asin bakong sa saro sanang lugar.

Deuteronomio 18:16

“Kan nagtiripon kamo sa Bukid nin Sinai, nakimaherak kamo na dai na magdangog kan tingog nin Kagurangnan, asin habo na nindong mahiling an naglalaad na kalayo, huli ta tibaad magadan kamo.

Deuteronomio 4:36

Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Deuteronomio 5:23

“Kan nadangog nindo an tingog hale sa kadikloman, mantang nagkakalayo an bukid, nagdolok sako an mga lider asin an mga namamayo kan mga tribu,

Deuteronomio 5:25

Alagad tano ta mapagadan kita? Tututongon kita kan makatakot na kalayong iyan. Magagadan nanggad kita kun madangog pa nyatong magtaram an Kagurangnan na satuyang Dios.

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

Deuteronomio 5:5

Mantang nagtataram siya, nagtindog ako sa pagultanan nindo asin nin Kagurangnan tanganing ipahayag saindo an saiyang itinaram, huli ta natakot kamo sa kalayo dangan dai kamo nagtukad sa bukid. “Nagtaram an Kagurangnan,