Exodo 20:12 - Marahay na Bareta Biblia

¹² “Galangan nindo an saindong ama asin ina, tanganing mabuhay kamo nin halawig sa dagang itatao ko sa saindo.

Exodo 20:12 ပူးပေါင်းရင်းမြစ်များ

Genesis 48:12

Dangan hinale ni Jose an mga aki sa pagkakatukaw ninda sa tabay ni Jacob asin nagdapa siya sa atubang ni Jacob.

Genesis 50:12

Ginibo kan mga aki ni Jacob an ipinagboot niya sainda;

1 Mga Hade 2:19

Kaya nagduman si Batsheba ki Hadeng Solomon tanganing kaolayon para ki Adonias. Nagtindog an hade sa pagsabat sa ina, nagtaong galang, dangan nagtukaw sa saiyang trono. Nagpakua siya nin sarong tukawan para sa saiyang ina; nagtukaw si Batsheba sa too kan hade.

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

Exodo 21:15

“An siisay man na magkulog kan sadiring ama o ina dapat gadanon.

Exodo 21:17

“An siisay man na magmaldisyon sa sadiring ama o ina dapat gadanon.

Mga Talinhaga 15:5

An tawong minasikwal kan katukdoan kan saiyang ama sarong lolong, alagad an minaako nin pagsagwe sarong madonong.

Mga Talinhaga 17:6

Ipinag-oorgulyo kan mga lolo an saindang mga makoapo, siring na ipinag-oorgulyo kan mga aking lalaki an saindang mga ama.

Mga Talinhaga 20:20

An magmaldisyon sa magurang, matatapos an buhay na garo pinalsok na ilawan sa kadikloman.

Mga Talinhaga 28:24

An naghahabon sa saiyang magurang asin minasabing bako iyan kasalan nakakaarog man sana sa sarong parahabon.

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Mga Talinhaga 30:11

Igwa nin mga tawo na minamaldisyon sa saindang ama asin dai minaomaw sa saindang ina.

Mga Talinhaga 30:17

An siisay man na nag-oolog-olog sa saiyang ama o nagsisikwal sa saiyang ina sa paggurang kan mga ini dapat na ipakakan sa mga bwitre o ipatuka an mga mata sa mga uwak.

Jeremias 35:18

Dangan sinabihan ko an mga Recabita na an Kagurangnan nin mga hukbo, an Dios nin Israel, nagtaram, “Kinuyog nindo an pagboot na itinao saindo kan ginikanan nindong si Jonadab; sinunod nindo an gabos niyang katukdoan, saka ginibo nindo an gabos na ipinagboot niya saindo.

Jeremias 35:7

Sinabihan man niya kami na dai magtugdok nin mga harong, mag-oma asin dai magtanom sa ubasan o magbakal kaini. Pinagbotan niya kami na danay kaming mag-erok sa mga tolda, tanganing magpadagos kami sa pag-erok sa dagang ini saen nag-eerok kami arog sa mga dayuhan.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Levitico 19:3

Galangan kan lambang saro saindo an saiyang ina saka ama, asin otobon nindo an sakong mga Sabbath. Ako an Kagurangnan na saindong Dios.

Levitico 19:32

“Galangan nindo an mga gurang na asin omawon nindo sinda. Magkaigwa kamo nin pagkatakot sa sako. Ako an Kagurangnan.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Mateo 19:19

galangan mo an saimong ama asin ina; kamotan mo an saimong kapwa siring kan pagkamoot mo sa sadiri mo.”

Markos 10:19

Tatao ka kan mga togon: ‘Dai ka maggadan; dai ka magdorog sa bako mong agom; dai ka maghabon; dai ka magsaksi nin putik; dai ka magdaya; galangan mo an saimong ama asin ina.’”

Markos 7:10

Nagboot si Moises, ‘Galangan mo an saimong ama asin ina,’ saka ‘An magtaram nin maraot tumang sa saiyang ama o ina, dapat na gadanon.’

Lukas 18:20

Aram mo an mga togon: ‘Dai ka magsambay; dai ka maggadan; dai ka maghabon; dai ka magsaksi nin putik; galangan mo an saimong ama asin ina.’”

Efeso 5:21

Magkinuyog-kuyogan kamo bilang paggalang ki Cristo.

Deuteronomio 11:8

“Kuyogon nindo an gabos na togon na ipinagboot ko saindo ngunyan, tanganing makabalyo kamo sa salog saka masakop nindo an daga na saindong lalaogon,

Deuteronomio 11:9

tanganing maghalawig an saindong buhay duman sa dagang mayaman sa gabos na bagay, daga na ipinanuga nin Kagurangnan na itatao sa saindong mga ginikanan asin sa saindang mga kapagarakian.

Deuteronomio 21:18

“Halimbawa an sarong tawo igwa nin aking lalaki na sutil asin matumang, sarong aki na dai nagkukuyog sa saiyang mga magurang maski pinapadusahan na ninda siya.

Deuteronomio 25:15

Maggamit kamo nin tama asin mayong daya na mga timbangan saka takadan, tanganing maghalawig an saindong buhay duman sa daga na itatao saindo nin Kagurangnan na saindong Dios.

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

Deuteronomio 4:26

Saksi ko an langit asin an daga laban saindo ngunyan na aldaw, na kun suhayon nindo ako, mapapara kamo sa daga. Dai maghahalawig an saindong buhay sa ibong kan Jordan, sa daga na saindong sasakopon. Magagadan kamo gabos.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Colosas 3:20

Mga aki, katongdan nindo bilang Cristiano na magkuyog sa saindong mga magurang sa gabos na bagay, huli ta iyan an ikinakaogma nin Dios.

Ruth 3:6

Kaya nagduman si Ruth sa ginikan asin ginibo an mga sinabi kan saiyang panugangan na babae.

1 Samuel 22:3

Hale duman, nagpasiring si David sa Mizpa nin Moab asin sinabihan an hade nin Moab, “Tugoteng magdigdi an sakong ama saka ina asin digdi ngona mag-erok sa kaibahan mo, sagkod na maaraman ko kun ano an gigibohon nin Dios para sako.”