Exodo 2:23 - Marahay na Bareta Biblia

²³ Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Exodo 2:23 ပူးပေါင်းရင်းမြစ်များ

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Nehemias 9:9

“Nahiling mo an kasakitan sa Egipto kan samong mga ginikanan; nadangog mo an saindang inagrangay duman sa Dagat na pula.

An Libro ni Job 35:9

“Huli sa pang-aapi, nag-aagrangay an mga tawo; naghahagad sinda nin tabang tanganing ikaligtas sa mapang-api.

Salmo 102:1

Dangoga an sakong pamibi, Kagurangnan; an sakong inagrangay makaabot logod saimo!

Salmo 102:2

Hare pagtagoa sako an saimong lalawogon, sa mga aldaw nin sakong kasakitan! Himatea ako; simbaga tolos sa aldaw na ako mag-apod.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 18:6

Sa sakong kasakitan nag-apod ako sa Kagurangnan; nag-apod ako sa sakong Dios tanganing tabangan. Nadangog niya an sakong tingog sa saiyang templo; nakaabot sa saiyang pandangog an sakong inagrangay.

Exodo 4:19

Nagtaram an Kagurangnan ki Moises kan yaon pa siya sa Midian, “Magbalik ka sa Egipto, huli ta gadan na an gabos na tawong boot gumadan saimo.”

Exodo 6:5

Ngunyan nadangog ko an inagrangay kan mga Israelita na inooripon kan mga Egipcio asin nagiromdoman ko an sakong tipan.

Exodo 6:9

Sinabi ini ni Moises sa mga Israelita, alagad dai sinda nagtubod saiya; maluya na an saindang boot huli sa makuring kaoripnan.

Exodo 7:7

Otsenta an edad ni Moises, asin otsenta y tres si Aaron kan makipag-olay sinda sa hade.

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Mga Bilang 20:16

kaya nag-agrangay kami sa Kagurangnan. Dinangog niya an samong inagrangay asin nagsugo siya nin anghel na iyo an nangenot samo paluwas sa Egipto. Ngunyan, uya kami sa Kades, an banwaan sa pagdolonan kan saimong teritoryo.

Mga Gibo 7:30

“Pakalihis nin kwarentang taon, nagpahiling ki Moises an sarong anghel sa sarong naglalaad na sadit na kahoy, duman sa kalangtadan na harani sa Bukid nin Sinai.

Deuteronomio 24:15

Aroaldaw, bago magsolnop an aldaw, tandanan nindo siya para sa trabaho sa aldaw na iyan, huli ta siya dukha asin iyan an saiyang pinaglalaoman. Kun dai nindo siya bayadan, maagrangay siya sa Kagurangnan laban saindo asin magkakasala kamo.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

1 Samuel 12:8

Kan magduman sa Egipto si Jacob asin an saiyang pamilya dangan inapi sinda kan mga Egipcio, nag-agrangay sa Kagurangnan an saindong mga ginikanan tanganing tabangan sinda. Sinugo nin Kagurangnan si Moises saka si Aaron, na nagluwas sainda sa Egipto asin nagpaerok sainda sa dagang ini.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”