Exodo 2:22 - Marahay na Bareta Biblia

²² Nag-aki si Zippora nin lalaki. Nagsaboot si Moises, “Ngangaranan ko siyang Gersom huli ta saro akong dayuhan sa dagang ini.”

Exodo 2:22 ပူးပေါင်းရင်းမြစ်များ

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

1 Mga Cronica 16:20

Nakaabot sinda sa manlaen-laen na nasyon, asin sa manlaen-laen na kahadean.

1 Mga Cronica 29:15

Mga dayuhan kami sa atubangan mo; mga nakikihimanwa, arog kan samong mga ginikanan. An samong mga aldaw arog sa sarong anino, asin dai magdadanay.

Salmo 119:19

Halipot sana an buhay ko digdi sa kinaban; hare sako pagtagoa an saimong mga kabotan.

Salmo 39:12

Hinanyoga an sakuyang pamibi, Kagurangnan, asin dangoga an sakuyang inagrangay; kun ako maghibi dumolok ka sa pagtabang. Ako saro sanang bisita, sarong dayuhan, arog kan sakong mga ginikanan.

Exodo 2:10

Kan dakula na an aki, ibinalik siya kan saiyang ina sa prinsesa, asin inako siya kaini bilang sadiring aki. Nagsabi an prinsesa, “Ngangaranan ko siyang Moises huli ta hinawas ko siya sa tubig.”

Exodo 22:21

“Dai nindo pagpasakitan o pagdaog-daogon an sarong dayuhan; giromdomon nindo na nagin mga dayuhan man kamo sa Egipto.

Exodo 4:20

Kaya ilinunad ni Moises sa asno an saiyang agom asin mga aki dangan nagpasiring sa Egipto; dara niya an sugkod na ipinadara saiya nin Dios.

Levitico 25:23

“Dai nindo pwedeng ipabakal an saindong daga na an kondisyon kan kabakalan sagkod na lamang, huli ta bako nindong sadiri iyan; sadiri ko iyan, asin siring kamo sa mga dayuhan na nakikihimanwa sako.

Mga Gibo 7:29

Kan madangog ini ni Moises, nagdulag siya dangan nag-erok sa Madian. Duman nagkaigwa siya nin duwang aking lalaki.

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”