Exodo 2:20 - Marahay na Bareta Biblia

²⁰ “Haen siya?” an hapot ni Jetro sa saiyang mga aki. “Tano ta binayaan nindo siya duman? Balik kamo asin alokon nindo siyang magkakan digdi sato.”

Exodo 2:20 ပူးပေါင်းရင်းမြစ်များ

Genesis 18:5

Dadarahan ko kamo nin dikit na kakanon tanganing magbalik an saindong kosog. Pakatapos kaiyan pwede na kamong magpadagos sa saindong paglakaw. Inonra nindo ako sa paghapit sa sakong harong, kaya tugoteng paglingkodan ko kamo.” “Ika an bahala,” an simbag ninda.

Genesis 29:13

Kan madangog ni Laban an bareta, naghidali siya sa pagsabat ki Jacob. Kinugos niya ini asin hinadokan dangan ipinag-iba sa saiyang harong. Inistorya ni Jacob ki Laban an gabos na nangyari,

Genesis 31:54

Nagbuno siya nin hayop na saiyang idinolot duman sa bukid dangan inapod niya an saiyang mga tawohan tanganing magkakan. Duman na sinda naagahan sa bukid.

Genesis 43:25

Inandam kan magturugang an mga regalo na itatao ninda ki Jose pag-abot niya sa odto, huli ta nasabihan sindang kaiba niya sinda sa pagkakan.

An Libro ni Job 31:32

Inalok ko an parabyahe na magdagos sa sakong harong; dai ko sinda pinatorog sa mga tinampo.

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Exodo 2:19

“Sinurog kaya kami nin sarong Egipcio kan palayason kami kan mga pastor,” an simbag ninda. “Ihinarok pa ngani niya kami nin tubig dangan pinainom an mga hayop.”

Exodo 2:21

Pinagmarahay ni Moises na duman na mag-erok. Dangan ipinaagom ni Jetro saiya an aki niyang si Zippora.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Hebreyo 13:2

Padagoson nindo sa saindong harong an mga dayuhan, huli ta an ibang naggibo kaiyan, nakapadagos nin mga anghel na dai ninda aram.