Exodo 19:9 - Marahay na Bareta Biblia

⁹ Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 19:9 ပူးပေါင်းရင်းမြစ်များ

1 Mga Hade 8:12

Dangan namibi si Solomon, “Kagurangnan, ika an nagbugtak kan aldaw sa kalangitan, alagad pinili mong mag-erok sa mahibog na kadikloman.

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

2 Mga Cronica 6:1

Dangan namibi si Solomon, “Kagurangnan, pinili mo na mag-erok sa mahibog na kadikloman.

Salmo 97:2

Panganoron asin kadikloman an nasa palibot niya; katanosan asin hustisya an mga pundasyon kan saiyang trono.

Salmo 99:7

Nagtaram siya sainda hale sa hariging panganoron; kinuyog ninda an mga togon saka pagboot na itinao niya sainda.

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Exodo 34:5

Naghilig an Kagurangnan sa sarong panganoron, nagtindog sa kaibahan niya duman, asin nagpahayag kan saiyang banal na ngaran, an Kagurangnan.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 4:5

Nagtaram an Kagurangnan, “Arog kaiyan an gibohon mo tanganing tumubod an mga Israelita na nagpahiling saimo an Kagurangnan, an Dios kan saindang mga ginikanan, an Dios ni Abraham, ni Isaac, asin ni Jacob.”

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Mga Bilang 12:5

dangan naghilig an Kagurangnan sa sarong hariging panganoron, nagtindog sa pintoan kan Tabernakulo dangan inapod si Aaron asin si Miriam. Nagrani sinda,

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Markos 9:7

Dangan linindongan sinda nin sarong panganoron asin sarong tingog an naghale sa panganoron, “Ini an Aki kong namomotan; dangoga nindo siya!”

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 4:36

Tinugotan niya kamong makadangog kan saiyang tingog hale sa langit tanganing matukdoan kamo. Nahiling nindo digdi sa daga an saiyang banal na kalayo, dangan nadangog nindo siyang nagtaram hale sa kalayo.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!