Exodo 19:6 - Marahay na Bareta Biblia

⁶ Kamo magigin kahadean nin mga padi asin sarong banal na nasyon para sa sako. Ini an itaram mo sa mga Israelita.”

Exodo 19:6 ပူးပေါင်းရင်းမြစ်များ

1 Mga Hade 3:8

Uya ako sa tahaw kan banwaan na pinili mo bilang sadiri, banwaan na dai mabilang sa kadakulaan.

1 Mga Hade 8:53

Isiniblag mo sinda hale sa gabos na banwaan sa daga, tanganing magin pamana mo, siring kan ipinahayag mo huli ki Moises na saimong sorogoon kan iluwas mo sa Egipto an samong mga ginikanan.”

1 Mga Cronica 17:22

An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

Salmo 114:2

an Juda nagin santwaryo nin Kagurangnan, an Israel saiyang nasadirihan.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 22:31

“Kamo an sakuyang banwaan, kaya dai nanggad nindo pagkakanon an karne kan arin man na hayop na ginadan nin mga lalaw na hayop; itao nindo iyan sa mga ayam.

Exodo 28:36

“Gumibo ka nin koronang anas na bulawan dangan iukit mo diyan ining mga tataramon, ‘Konsagrado sa Kagurangnan.’

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Isaias 66:21

An iba sa mga tawong ini gigibohon kong mga padi asin mga Levita.

Jeremias 13:11

Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 2:3

Israel, ika para sa sakuya sana; ika an sakong banal na rogaring. Pinadarahan ko nin kasakitan asin kapahamakan an siisay man na nagkulog saimo. Ako, an Kagurangnan, an nagtaram.”

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Levitico 19:2

na sabihan an komunidad nin Israel, “Magin banal kamo, huli ta ako, an Kagurangnan na saindong Dios, banal.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Levitico 20:26

Magin banal kamo huli ta ako an Kagurangnan banal, asin linaen ko kamo sa ibang mga nasyon tanganing magin sadiri ko.

Levitico 21:23

alagad nin huli ta may kaninan siya, dai siya pwedeng magrani sa panlipod na kurtina o sa altar. Dai niya dapat pagdigtaan an mga banal na bagay na ini, huli ta ako an Kagurangnan, asin ako an nagpapabanal kan mga iyan.”

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Hageo 2:5

Kan maghale kamo sa Egipto, nanuga ako na danay ko kamong iibahan. Kaibahan pa nindo ako, kaya dai kamo matakot.

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

1 Corinto 3:17

An siisay man na maglaglag kan templo nin Dios, lalaglagon man nin Dios; huli ta an templo nin Dios banal, asin an templong iyan kamo mismo.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 28:9

“Kun kuyogon nindo an Kagurangnan na saindong Dios asin kun gibohon nindo an mga ipinagboboot niya, gigibohon niya kamong sadiri niyang banwaan siring sa saiyang ipinanuga.

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

1 Tesalonica 5:27

Sinasadol ko kamo, sa ngaran nin Kagurangnan, na basahon nindo an surat na ini sa gabos na tugang.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 1:6

Ginibo niya kitang kahadean nin mga padi na maglilingkod sa saiyang Dios asin Ama. Ki Jesu-Cristo an kamurawayan saka an kapangyarihan sagkod pa man! Amen.

Kapahayagan 20:6

Paladan asin banal an makaiba sa enot na pagkabuhay liwat! An ikaduwang kagadanan dai nin kapangyarihan sainda; magigin sindang mga padi nin Dios asin ni Cristo; maghahade sinda kaiba niya sa laog nin sangribong taon.

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”