Exodo 19:5 - Marahay na Bareta Biblia

⁵ Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 19:5 ပူးပေါင်းရင်းမြစ်များ

Genesis 17:9

Nagtaram pa an Dios ki Abraham, “Kaipuhan otobon mo man an pakipagtipan mo sa sako, ika asin an saimong mga kapagarakian sa maabot na henerasyon.

1 Mga Hade 8:53

Isiniblag mo sinda hale sa gabos na banwaan sa daga, tanganing magin pamana mo, siring kan ipinahayag mo huli ki Moises na saimong sorogoon kan iluwas mo sa Egipto an samong mga ginikanan.”

1 Mga Cronica 17:22

An Israel ginibo mong saimong sadiring banwaan sagkod pa man, asin ika, Kagurangnan, iyo an nagin saindang Dios.

An Libro ni Job 41:11

Siisay an pwedeng magsalakay saiya asin magigin ligtas pa? Mayo nin siisay man sa bilog na kinaban na makakagibo kaiyan.

An Libro ni Job 41:3

Makikimaherak daw siya saimo nganing butasan mo? Tataramon daw nin pakimaherak an madadangog mo?

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 23:22

Alagad kun sunodon nindo siya asin gibohon an gabos kong itinaram, lalabanan ko an gabos nindong kaiwal.

Exodo 24:7

Pakatapos, kinua niya an libro nin tipan, na nasusuratan kan mga togon nin Kagurangnan, dangan binasa nin makosog sa atubang kan mga tawo. An mga Israelita nagsimbag, “Susunodon mi an Kagurangnan asin gigibohon mi an gabos niyang pagboot.”

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Isaias 1:19

Kun magkuyog ka sana kuta sako, magkakakan ka kan marahay na mga bunga kan daga.

Isaias 41:8

“Alagad ika, Israel, na sakong sorogoon, ika an banwaan na sakong pinili, an kapagarakian ni Abraham, na sakong katood.

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 56:4

An Kagurangnan nagsasabi sa siring na tawo, “Kun ginagalangan mo ako huli sa pag-otob kan Sabbath, kun ginigibo mo an nawiwilihan ko asin kun maimbod mong inootob an sakong tipan,

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 13:11

Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Malakias 3:17

“Sinda an sakong magigin banwaan,” an sabi kan Kagurangnan nin mga hukbo. “Sa aldaw na humiro ako, masasadirihan ko sinda. Maheherak ako sainda siring na an sarong ama naheherak sa saiyang aking lalaki na naglilingkod saiya.

1 Corinto 10:26

Huli ta nasasabi sa kasuratan, “An kinaban asin an gabos na yaon diyan sadiri nin Kagurangnan.”

1 Corinto 10:28

Alagad kun may magsabi saindo, “An kakanon na ini inatang sa mga dios-dios,” dai na kamo magkakan kaiyan tanganing dai maraot an boot kan nagsabi saindo asin tanganing dai mapurisaw an konsyensya—

Deuteronomio 10:14

Sadiri nin Kagurangnan na saindong Dios an pinakahalangkaw na kalangitan; sadiri man niya an daga asin an gabos na yaon diyan.

Deuteronomio 11:27

sarong bendisyon kun kuyogon nindo an mga pagboot nin Kagurangnan na saindong Dios na itinatao ko saindo ngunyan;

Deuteronomio 14:2

Huli ta kamo sarong banwaan na banal para sa Kagurangnan na saindong Dios, asin pinili niya kamo na magin sadiring banwaan hale sa gabos na banwaan sa bilog na daga.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 28:1

“Kun magkuyog kamo sa Kagurangnan na saindong Dios asin maimbod na mag-otob kan saiyang mga pagboot na itinatao ko saindo ngunyan na aldaw, gigibohon niya kamong pinakadakula sa gabos na nasyon sa daga.

Deuteronomio 28:9

“Kun kuyogon nindo an Kagurangnan na saindong Dios asin kun gibohon nindo an mga ipinagboboot niya, gigibohon niya kamong sadiri niyang banwaan siring sa saiyang ipinanuga.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Deuteronomio 5:2

Duman sa Bukid nin Sinai, nakipagtipan an Kagurangnan na satong Dios

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.