Exodo 19:21 - Marahay na Bareta Biblia

²¹ Tinaraman siya nin Kagurangnan, “Maghilig ka asin patanidan mo an mga tawo na dai maglampas sa kasagkoran sa paghiling sako. Kun gibohon ninda iyan, dakul sainda an magagadan.

Exodo 19:21 ပူးပေါင်းရင်းမြစ်များ

Exodo 3:3

“Makangangalas!” an sabi niya. “Ranihon ko daw asin hilingon kun tano ta dai ini nasusulo.”

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Exodo 33:20

Alagad dai ko saimo ipapahiling an sakong lalawogon huli ta mayo nin tawong pwedeng makahiling sako dangan padagos na mabuhay.

Parahulit 5:1

Mag-ingat ka kun minaduman ka sa Templo. An magrani tanganing maghinanyog mas marahay ki sa magdolot nin sakripisyo siring sa ginigibo kan mga lolong na tawo, na dai aram na naggigibo sinda nin maraot.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 4:18

“Dai nindo pagbayaan an kamaganakan ni Kohat

Mga Bilang 4:19

na magadan huli sa pagdolok ninda sa mga sagradong kagamitan. Tanganing dai iyan mangyari, itutukdo sainda ni Aaron saka kan mga aki niya, kun ano an saindang mga gigibohon asin kun ano an saindang dadarahon.

Mga Bilang 4:20

Alagad dai sinda maglaog tanganing maghiling kan mga banal na bagay maski sa kadikit na panahon, huli ta magagadan sinda.”

Deuteronomio 5:5

Mantang nagtataram siya, nagtindog ako sa pagultanan nindo asin nin Kagurangnan tanganing ipahayag saindo an saiyang itinaram, huli ta natakot kamo sa kalayo dangan dai kamo nagtukad sa bukid. “Nagtaram an Kagurangnan,

1 Samuel 6:19

Ginadan nin Kagurangnan an setenta sa kalalakihan kan Bet-semes huli ta naghiling sinda sa laog kan Kaban nin Tipan. Nagmorondo an mga tawo duman huli ta dakul sainda an ginadan nin Kagurangnan.