Exodo 19:16 - Marahay na Bareta Biblia

¹⁶ Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 19:16 ပူးပေါင်းရင်းမြစ်များ

2 Samuel 22:10

Binuka niya an kalangitan dangan huminilig siya; maitom na panganoron nasa irarom kan saiyang mga bitis.

An Libro ni Job 38:25

“Siisay an nagkalot nin agihan para sa makosog na uran asin nin dalan para sa kikilat,

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 77:18

An ribok kan saimong daguldol yaon sa buhawi; an saimong kikilat nag-ilaw sa kinaban; an daga naglinog asin tinakigan.

Salmo 81:8

Banwaan ko, dangoga an sakong patanid; Israel, kun magdangog ka lamang sako!

Salmo 97:4

An saiyang kikilat nagtatao nin liwanag sa kinaban; nahihiling ini kan daga asin tinatakigan.

Exodo 19:11

asin mag-andam sinda sa ikatolong aldaw; huli ta sa aldaw na iyan mahilig ako sa Bukid nin Sinai tanganing mahiling kan mga tawo.

Exodo 19:15

Sinabihan sinda ni Moises, “Magin andam kamo sa ikatolong aldaw; mayo ngona nin magdorog.”

Exodo 19:17

Dinara ni Moises sa luwas kan kampo an mga tawo tanganing magsabat sa Dios; nagtindog sinda sa pamitisan kan bukid.

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 20:21

Alagad padagos na nagtindog sa harayo an mga tawo; si Moises sana an nagdolok sa mahibog na panganoron saen yaon an Dios.

Exodo 40:34

An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Exodo 9:23

Kaya itinaas ni Moises an saiyang sugkod, dangan pinadaguldol asin pinakikilat nin Kagurangnan saka pinauranan nin yelo an daga.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Mateo 24:31

Matanog nin makosog an trompeta, dangan susugoon niya an saiyang mga anghel sa pagtipon kan saiyang mga pinili hale sa apat na kanto kan kadagaan, poon sa sarong poro kan kinaban sagkod sa ibong na poro.

Deuteronomio 5:5

Mantang nagtataram siya, nagtindog ako sa pagultanan nindo asin nin Kagurangnan tanganing ipahayag saindo an saiyang itinaram, huli ta natakot kamo sa kalayo dangan dai kamo nagtukad sa bukid. “Nagtaram an Kagurangnan,

Hebreyo 12:21

Makatatakot an saindang natatanaw, mala ta si Moises nagsabi, “Tinatakigan ako sa takot.”

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 4:1

Pakatapos kaini, ibang bisyon naman an nahiling ko. Nahiling ko an sarong bukas na pintoan sa langit. Nadangog ko giraray an tingog na garo trompeta na nagtaram sako kan enot. Ini an sabi, “Sumakat ka digdi ta ipapahiling ko saimo an mga mangyayari pakatapos kaini.”

Kapahayagan 4:5

May mga kikilat, hagubohob saka daguldol na naghahale sa trono. Sa atubangan kan trono may naglalaad na pitong karaba na iyo an pitong Espiritu nin Dios.

Kapahayagan 8:5

Dangan kinua kan anghel an insensaryo, pinano nin nagkakalayong baga hale sa altar, saka itinapok sa daga. Nagkaigwa nin makosog na daguldol, hagubohob, kikilat asin linog.