Exodo 19:11 - Marahay na Bareta Biblia

¹¹ asin mag-andam sinda sa ikatolong aldaw; huli ta sa aldaw na iyan mahilig ako sa Bukid nin Sinai tanganing mahiling kan mga tawo.

Exodo 19:11 ပူးပေါင်းရင်းမြစ်များ

Genesis 11:5

Naghilig an Kagurangnan tanganing hilingon an syudad asin an tore na ginibo kan mga tawo.

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Salmo 144:5

Kagurangnan, buksan mo an langit asin humilig ka; dootan mo an mga bukid asin ini maaraso.

Salmo 18:9

Binuka niya an kalangitan dangan siya huminilig; maitom na panganoron nasa irarom kan saiyang mga bitis.

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Exodo 19:20

Huminilig an Kagurangnan sa alitoktok kan bukid asin inapod niya si Moises, kaya nagtukad ini.

Exodo 24:16

An kamurawayan nin Kagurangnan nag-ontok sa Bukid nin Sinai. Sa paghiling kan mga Israelita, an kamurawayan nin Kagurangnan arog sa malaad na kalayo sa alitoktok kan bukid. Anom na aldaw na natahoban nin panganoron an bukid. Sa ikapitong aldaw, hale sa panganoron, inapod nin Kagurangnan si Moises.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 34:2

Kaipuhan andam ka na noodmang aga asin tumukad ka sa Bukid nin Sinai sa pagsabat sako duman sa alitoktok kan bukid.

Exodo 34:5

Naghilig an Kagurangnan sa sarong panganoron, nagtindog sa kaibahan niya duman, asin nagpahayag kan saiyang banal na ngaran, an Kagurangnan.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Juan 6:38

huli ta naghilig ako hale sa langit nganing gibohon an kabotan kan nagsugo sako, bakong an kabotan ko.

Deuteronomio 33:2

Naghilig hale sa Bukid nin Sinai an Kagurangnan; siring sa aldaw, nagsirang siya sa Edom asin nagliwanag hale sa Bukid nin Paran, kaiba an sampolong ribong mga anghel, na may naglalaad na kalayo sa too niyang kamot.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Josue 3:5

Sinabihan ni Josue an mga tawo, “Magrilinig kamo, huli ta sa aga magibo an Kagurangnan nin mga ngangalasan sa atubang nindo.”