Exodo 19:10 - Marahay na Bareta Biblia

¹⁰ Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Exodo 19:10 ပူးပေါင်းရင်းမြစ်များ

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

2 Samuel 19:24

Naglugsot si Mefiboset na makoapo ni Saul tanganing sabaton an hade. Dai niya hinugasan an saiyang bitis, ni pinutolan an saiyang barabas o linabahan an saiyang gubing magpoon kan maghale an hade sa Jerusalem sagkod na magbalik ini na mapanggana.

2 Mga Cronica 29:34

Alagad kadikit sana an mga padi asin dai ninda kayang bunoon an gabos na hayop, kaya tinabangan sinda kan mga Levita sagkod na matapos an trabaho, asin sagkod na makapaglinig kan saindang sadiri an ibang mga padi. (Mas maimbod an mga Levita sa paglinig kan saindang sadiri ki sa mga padi.)

2 Mga Cronica 29:5

dangan sinabihan, “Dangoga nindo ako, mga Levita! Magpakabanal kamo asin pakabanalon nindo an Templo nin Kagurangnan, an Dios kan saindong mga ginikanan. Haleon nindo sa banal na lugar na ini an anoman na ati.

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

Levitico 15:5

An siisay man na makaduta sa higdaan

Mga Bilang 11:18

Sabihan mo an mga tawo na maglinig sinda para sa aga asin makakan na sinda nin karne. Nagreklamo sinda asin naghapot kun siisay an matao sainda nin karne. Nagsabi pa sinda na mas marahay an saindang buhay sa Egipto. Kaya tatawan ko sinda nin karne dangan makakan sinda.

Mga Bilang 19:19

Sa ikatolo asin sa ikapitong aldaw, wiwirikan niya an maating tawo. Sa ikapitong aldaw, lilinigan niya an tawo, na pakalaba kaini kan mga gubing asin pakakarigos, magigin malinig pagsolnop kan aldaw.

Mga Bilang 31:24

Sa ikapitong aldaw kaipuhan labahan nindo an saindong mga gubing; dangan magigin malinig na kamo asin tutugotan nang maglaog sa kampo.”

Mga Bilang 8:21

Lininigan kan mga Levita an saindang mga sadiri sa saindang mga kasalan asin linabahan ninda an saindang mga gubing. Itinalaga sinda ni Aaron bilang sarong espesyal na regalo sa Kagurangnan, asin ginibo niya an dolot para sa kasalan, tanganing linigan an mga Levita.

Mga Bilang 8:7

Ini an gibohon mo sa paglinig sainda: wirikan mo sinda kan tubig na panlinig dangan aarisan ninda an saindang bilog na hawak, lalabahan an saindang mga gubing, asin magigin malinig na sinda.

1 Corinto 6:11

An iba saindo arog kaiyan kaidto. Alagad pinatawad na kamo kan saindong kasalan; idinolot na kamo sa Dios. Nagin matanos na kamo sa Dios huli ki Jesu-Cristong Kagurangnan asin huli kan Espiritu nin satong Dios.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Josue 3:5

Sinabihan ni Josue an mga tawo, “Magrilinig kamo, huli ta sa aga magibo an Kagurangnan nin mga ngangalasan sa atubang nindo.”

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.

1 Samuel 16:5

“Iyo,” an simbag ni Samuel. “Nagdigdi ako tanganing magdolot nin sakripisyo sa Kagurangnan. Maglinig kamo kan saindong sadiri asin mag-iba sako.” Sinabihan man niya si Jesse asin an mga aking lalaki kaini na maglinig kan saindang sadiri saka inalok niya sinda sa pagsakripisyo.