Exodo 18:7 - Marahay na Bareta Biblia

⁷ kaya sinabat siya kaini. Nagduko si Moises kan saiyang payo sa pagtaong galang sa saiyang panugangan dangan hinadokan niya ini. Nagkomustahan sinda dangan naglaog sa tolda ni Moises.

Exodo 18:7 ပူးပေါင်းရင်းမြစ်များ

Genesis 14:17

Kan magbalik si Abram hale sa panggana niya laban ki Kedorlaomer asin sa ibang mga hade, sinabat siya kan hade kan Sodoma duman sa Kapantayan nin Shave (na inaapod man Kapantayan kan Hade).

Genesis 18:2

nagtingkalag siya asin nahiling niya an tolong lalaki na nagtitindog duman. Sinabat niya tolos sinda, nagdapa sa daga

Genesis 19:1

Kan mag-abot sa Sodoma an duwang anghel kan bangging idto, si Lot nagtutukaw sa may trangkahan kan syudad. Kan mahiling niya sinda, nagtindog siya asin sinabat sinda. Nagduko siya sa atubang ninda

Genesis 29:13

Kan madangog ni Laban an bareta, naghidali siya sa pagsabat ki Jacob. Kinugos niya ini asin hinadokan dangan ipinag-iba sa saiyang harong. Inistorya ni Jacob ki Laban an gabos na nangyari,

Genesis 31:28

Tano ta dai mo sako pinahadokan an sakong mga makoapo asin mga aki bago kamo naghale. Sala an ginibo mo.

Genesis 43:26

Pag-abot ni Jose sa harong, itinao ninda saiya an mga regalo asin nagdarapa sinda sa atubang niya sa paggalang.

Genesis 45:15

Mantang naghihibi, kinugos man niya asin hinadokan an saiyang mga tugang. Pakatapos kaini, saka pa sana nakiolay ki Jose an saiyang mga tugang.

Genesis 46:29

Nagsakay si Jose sa saiyang karwahe asin sinabat an saiyang ama sa Goshen. Kan magkahilingan sinda, kinugos ni Jose an saiyang ama asin nagparahibi.

2 Samuel 11:7

Pag-abot ni Urias, hinapot siya ni David, “Komusta an kamugtakan ni Joab asin kan hukbo? Ano ngunyan an nangyayari sa ralaban?”

1 Mga Hade 2:19

Kaya nagduman si Batsheba ki Hadeng Solomon tanganing kaolayon para ki Adonias. Nagtindog an hade sa pagsabat sa ina, nagtaong galang, dangan nagtukaw sa saiyang trono. Nagpakua siya nin sarong tukawan para sa saiyang ina; nagtukaw si Batsheba sa too kan hade.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Exodo 18:6

Nagpatogon si Jetro ki Moises na sinda maabot,

Exodo 33:7

Ugale na ni Moises na kuahon an tolda asin patindogon sa sarong lugar na harayo sa luwas kan kampo; ini inapod niyang toldang pinagtatagboan. An siisay man na boot makihumapot sa Kagurangnan minaduman sa toldang pinagtatagboan na nasa luwas kan kampo.

Exodo 4:27

Nagtaram an Kagurangnan ki Aaron, “Magduman ka sa kalangtadan sa pagsabat ki Moises.” Kaya naglakaw siya sa pagsabat ki Moises sa bukid nin Dios; pakahiling niya ki Moises hinadokan niya ini.

Mga Bilang 22:36

Kan maaraman ni Balak na nagdadangadang si Balaam, sinabat niya ini sa Ar, sarong syudad sa may Salog nin Arnon sa pagdolonan nin Moab.

Lukas 7:45

Dai mo ako hinadokan bilang pag-ako sako, alagad poon paglaog ko, dai siya nag-ontok sa kahahadok sa mga bitis ko.

Mga Gibo 20:37

Nagtangis sinda gabos; kinugos ninda si Pablo asin hinadokan.

Mga Gibo 28:15

Nabaretaan kan mga tugang sa Roma na maabot kami, kaya may nagsabat samo sa Plasa nin Apio, mantang an iba naghalat sa Tolong Sakatan na Harong. Kan mahiling sinda ni Pablo, nagpasalamat siya sa Dios asin nagkosog an saiyang boot.

Hukom 11:34

Kan magpuli si Jefta sa Mizpa, sinabat siya kan aki niyang babae na nagsasayaw mantang nagtutugtog nin tamborin. Siya an bugtong na aki ni Jefta,

1 Samuel 17:18

Daraha man an sampolong kesong ini sa opisyal na namamayo sainda. Hilingon mo an kamugtakan kan saimong mga tugang asin pagbalik mo, magdara ka nin tanda hale sainda.

1 Samuel 17:22

Iwinalat ni David an pagkakan sa namamahala kan mga kagamitan, dangan nagdalagan pasiring sa lugar na paglalabanan. Nagdolok siya sa saiyang tugang asin hinapot sinda kan saindang kamugtakan.