Exodo 18:25 - Marahay na Bareta Biblia

²⁵ Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Exodo 18:25 ပူးပေါင်းရင်းမြစ်များ

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

2 Samuel 18:1

Tinipon ni Hadeng David an gabos niyang tawohan, pinaggrupo-grupo sa rinibo asin sa ginatos, dangan binugtakan nin mga pamayo.

Exodo 18:21

Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 18:24

Sinunod ni Moises an hatol ni Jetro.

Mga Bilang 1:4

Magpatabang kamo sa sarong pamayo nin kamaganakan hale sa lambang tribu.”

Mga Bilang 11:16

Tinaraman nin Kagurangnan si Moises, “Pumili ka nin setentang mga gurang sa Israel, idtong minimidbid na mga lider kan komunidad. Darahon mo sinda sako sa Tabernakulo, asin sabihan mo sinda na magtindog sa kataed mo.

Mga Gibo 6:5

Naoyonan ninda gabos an itinaram kan mga apostol, kaya pinili ninda si Esteban, sarong tawong makosog an pagtubod asin pano kan Espiritu Santo; si Felipe, Procoro, Nicanor, Timon, Parmenas saka si Nicolas na taga Antiokia, sarong pagano na nakombertir sa Judaismo.

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.