Exodo 18:23 - Marahay na Bareta Biblia

²³ Kun gibohon mo iyan, siring sa pagboot nin Dios, dai ka mapapagal asin madali pang matatawan nin solusyon an arin man na problema kan mga tawo.”

Exodo 18:23 ပူးပေါင်းရင်းမြစ်များ

Genesis 18:33

Naghale na an Kagurangnan pakatapos niyang magtaram ki Abraham; nagpuli man si Abraham sa saiyang harong.

Genesis 30:25

Pagkamundag ni Jose, sinabihan ni Jacob si Laban, “Tugote akong maghale tanganing makapuli ako sa sadiri kong harong asin daga.

2 Samuel 18:3

Nagsimbag sinda, “Dai ka dapat mag-iba samo; huli ta kun magdulag kami, mayo iyan nin kahulogan sa mga kaiwal. Kun magadan an kabanga samo, mayo man giraray iyan nin kahulogan sainda; alagad sampolong ribo an saimong katimbang. Mas marahay na digdi ka sana sa syudad asin padarahan mo kami nin tabang.”

2 Samuel 19:39

Dangan nagbalyo si David asin an gabos niyang tawohan sa Jordan. Hinadokan niya si Barzillai asin benendisyonan; dangan nagpuli na si Barzillai.

2 Samuel 21:17

Alagad tinabangan si David ni Abisai na aking lalaki ni Zeruias, sinalakay an higante, asin ginadan. Dangan pinasumpa si David kan saiyang mga tawohan na, “Dai ka na nanggad mag-iba samo sa pakilaban. Ika an paglaom nin Israel, asin habo ming mawara ka.”

Exodo 16:29

Giromdoma nindo na tinawan ko kamo nin aldaw nin pahingalo, kaya sa ikaanom na aldaw tinatawan ko kamo nin pagkakan para sa duwang aldaw. An lambang saro dai maghale sa saiyang lugar asin mayong magluwas sa harong sa ikapitong aldaw.”

Exodo 18:18

Mapagal iyan para sa saimo asin sa mga tawo. Magabat an trabahong iyan asin dai mo kayang gibohon na solo sana.

Exodo 18:22

Sinda an maglilingkod bilang mga hukom kan mga tawo sa gabos na panahon. Dadarahon ninda saimo an masakit na mga kaso, alagad sinda na an bahalang maghukom kan mga masayon. Kaya magigin pasil na para saimo huli ta katabang mo sinda sa saimong trabaho.

Exodo 18:24

Sinunod ni Moises an hatol ni Jetro.

Mga Gibo 15:2

Alagad diniskutir sinda ni Pablo saka ni Bernabe kaya nagkaigwa nin mainit na debate dapit kaini. Pinagkaoroyonan ninda na padumanon sa Jerusalem si Pablo saka si Bernabe asin an iba pa, nganing makipag-olay sa mga apostol saka sa mga kamagurangan duman dapit sa bagay na ini.

Galacia 2:2

Nagduman ako huli ta ipinahayag sako nin Dios na dapat akong magduman. Sa sarong hilom na pakipag-olay sa mga lider, ipinaliwanag ko sainda an Marahay na Bareta na ipinaghuhulit ko sa mga pagano. Habo kong masayang an sakong gibo sa nakaaging panahon asin sa ngunyan.

1 Samuel 8:22

Nagsimbag an Kagurangnan, “Giboha an boot ninda; tawe sinda nin hade.” Dangan pinapuli ni Samuel an mga Israelita sa saindang mga harong.