Exodo 18:21 - Marahay na Bareta Biblia

²¹ Laen pa kaiyan, magpili ka nin mga tawong maninigo, may pagkatakot sa Dios, mapapaniwalaan asin dai masusuholan. Gibohon mo sindang pamayo nin mga rinibong tawo, ginatos, maningkwenta, asin manampolo.

Exodo 18:21 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

2 Samuel 18:1

Tinipon ni Hadeng David an gabos niyang tawohan, pinaggrupo-grupo sa rinibo asin sa ginatos, dangan binugtakan nin mga pamayo.

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

1 Mga Hade 18:3

kaya ipinaapod ni Ahab si Obadias, na namamahala kan palasyo. (Igwa nin pagkatakot si Obadias sa Kagurangnan,

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Nehemias 5:9

Dangan nagtaram ako, “Bakong marahay an ginigibo nindo. Dapat magkaigwa kamo nin pagkatakot sa Dios asin gibohon an matanos tanganing dai kita pagtuyatuyaon kan satong mga kaiwal na nasyon.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

An Libro ni Job 1:1

Igwa kaidto nin sarong lalaki na an ngaran Job, na nag-erok sa daga nin Uz. Matanos siyang tawo asin linikayan niya an paggibo nin maraot.

An Libro ni Job 29:16

Ako an nagin ama kan dukha, asin kinampihan ko an dayuhan sa saiyang kasakitan.

An Libro ni Job 31:13

“Kun dai ko minidbid an deretso kan sakong sorogoon na babae o lalaki, kan magreklamo sinda laban sako,

Salmo 15:1

Kagurangnan, siisay an pwedeng maglaog sa saimong Templo? Siisay an pwedeng magsamba sa Sion, an banal mong bulod?

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Exodo 17:9

Sinabihan ni Moises si Josue, “Magpili ka nin mga lalaki asin labanan nindo an mga Amalekita. Sa aga, matindog ako sa ibabaw kan bulod na kapot an sugkod nin Dios.”

Exodo 18:25

Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Mga Talinhaga 28:2

Kun nagkakasala an sarong nasyon, nagkakaigwa ini nin dakul na kagsakop. Alagad magdadanay na pusog an sarong nasyon kun igwa iyan nin mga madonong asin may pakasabot na mga lider.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Isaias 16:5

Dangan magigin hade an sarong kapagarakian ni David, asin pamamayohan niya an banwaan sa kaimbodan saka sa pagkamoot. Magigin marikas siya sa paggibo kan tama; bilang hukom, ipapahiling niya an hustisya.)

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Ezekiel 18:8

Dai siya nagpapautang na may patubo. Minasayuma siya sa paggibo nin maraot asin nagtatao siya nin matanos na sentensya sa anoman na kaso.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Zacarias 7:9

“Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Zacarias 8:16

Iyo ini an mga bagay na dapat nindong gibohon: an katotoohan sana an ipagtaram nindo sa saindong kapwa. Sa mga hukoman, itao nindo an totoong hustisya—an hustisya na nagdodolot nin katoninongan.

Mga Bilang 1:4

Magpatabang kamo sa sarong pamayo nin kamaganakan hale sa lambang tribu.”

Mga Bilang 10:4

Alagad kun saro sana an pinatanog, an mga pamayo sana kan mga kamaganakan an maatubang saimo.

Lukas 18:2

Nagsabi siya, “May sarong hukom sa sarong banwaan na dai natatakot sa Dios saka mayong ginagalangan na siisay man na tawo.

Lukas 18:4

Haloy nang nagparasayuma an hukom, alagad sa kahuri-hurihi nagsaboot siya, ‘Dawa dai ako natatakot sa Dios, saka mayong ginagalangan na siisay man na tawo,

Mga Gibo 20:33

Dai ko minawot an plata o bulawan o gubing nin siisay man.

Mga Gibo 6:3

Kaya, mga tugang, pumili kamo nin pitong lalaking marahay an dangog, pano kan Espiritu Santo asin nin kadonongan; sinda an papamahalaon ta kan bagay na ini,

Deuteronomio 22:18

Dangan kukuahon kan mga lider kan banwa an agom na lalaki asin hahampakon ninda.

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

Josue 22:14

Nag-iba ki Finehas an sampolong lider, sarong lider hale sa lambang tribu sa solnopan. An lambang saro sainda iyo an pamayo nin pamilya sa saindang kamaganakan.

1 Samuel 8:12

An iba sainda gigibohon niyang mga opisyal nin sangribo katawo, saka an iba mga opisyal nin singkwenta katawo. An iba gigibohon niyang mga paraarado saka paraani; an iba magigin paragibo nin mga armas sa gera, asin mga kagamitan para sa saiyang mga karwahe.

1 Samuel 8:3

Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.