Exodo 18:12 - Marahay na Bareta Biblia

¹² Dangan nagdolot si Jetro nin tinutong na atang asin nin iba pang mga dolot sa Dios. Nag-abot si Aaron kaiba an gabos na lider nin Israel tanganing sa kaibahan kan panugangan ni Moises magkarakan sinda sa atubang nin Dios.

Exodo 18:12 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 26:25

Kaya nagtugdok duman nin altar si Isaac asin nagsamba sa Kagurangnan. Duman na siya nag-erok, asin nagkalot duman nin saro pang bubon an saiyang mga sorogoon.

Genesis 26:30

Kaya nag-andam nin bangkete si Isaac para sa sainda asin nagkakan saka nag-inoman sinda.

Genesis 31:54

Nagbuno siya nin hayop na saiyang idinolot duman sa bukid dangan inapod niya an saiyang mga tawohan tanganing magkakan. Duman na sinda naagahan sa bukid.

Genesis 4:4

Nagdara man si Abel kan enot na ogbon kan saiyang mga karnero, binuno ini, dangan idinolot an mga pinakamarahay na kabtang. Nawilihan nin Kagurangnan si Abel asin an saiyang dolot

Genesis 43:25

Inandam kan magturugang an mga regalo na itatao ninda ki Jose pag-abot niya sa odto, huli ta nasabihan sindang kaiba niya sinda sa pagkakan.

Genesis 8:20

Guminibo si Noe nin altar para sa Kagurangnan; pakatapos kuminua siya nin saro hale sa manlaen-laen na klase kan malinig na hayop asin gamgam dangan tinutong niyang bilog an mga ini sa altar bilang dolot.

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

2 Mga Cronica 30:22

Inomaw ni Ezekias an mga Levita huli kan saindang kakayahan sa paglingkod sa Kagurangnan. Pakatapos kan pitong aldaw na pagdolot nin mga atang saka pag-omaw sa Kagurangnan, an Dios kan saindang mga ginikanan,

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

An Libro ni Job 42:8

Kaya ngunyan magkua kamo nin pitong torong baka saka pitong karnero dangan itao nindo ki Job bilang tinutong na atang. Ipapamibi kamo ni Job asin dadangogon ko an saiyang pamibi na dai kamo padusahan nin maninigo sa saindong kamangmangan. Dai nindo itinaram an katotoohan dapit sako arog kan ginibo ni Job.”

Exodo 18:13

Kan sunod na aldaw, nagtukaw si Moises sa paghusay sa mga kaso kan mga tawo, asin napalibotan siya ninda magpoon aga sagkod banggi.

Exodo 2:20

“Haen siya?” an hapot ni Jetro sa saiyang mga aki. “Tano ta binayaan nindo siya duman? Balik kamo asin alokon nindo siyang magkakan digdi sato.”

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 24:11

Dai inano nin Dios an mga kamagurangan nin Israel. Nahiling ninda an Dios dangan nagkarakan asin nag-irinom sinda.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Exodo 33:7

Ugale na ni Moises na kuahon an tolda asin patindogon sa sarong lugar na harayo sa luwas kan kampo; ini inapod niyang toldang pinagtatagboan. An siisay man na boot makihumapot sa Kagurangnan minaduman sa toldang pinagtatagboan na nasa luwas kan kampo.

Daniel 10:3

Dai ako nagkakan nin anoman na masustansyang kakanon o anoman na karne, dai ako nag-inom nin arak, o nagsukray kan sakong buhok sagkod na nakalihis an tolong semana.

Mga Bilang 10:29

Sinabihan ni Moises an saiyang bayaw na si Hobab na aki kan panugangan niyang si Jetro na Midianita, “Maduman na kami sa lugar na ipinanugang itatao samo nin Kagurangnan. Nanuga siya na tatawan nin mauswag na pamumuhay an Israel kaya umiba ka samo asin hihirasan mi ika kan biyayang samong makakamtan.”

Lukas 14:1

Sarong aldaw na Sabbath, nagkakan si Jesus sa harong nin sarong lider na kaayon kan mga Fariseo. Duman pinagmasdan siya kan mga tawo.

Lukas 14:15

Nadangog ini kan saro sa mga kasabay niyang magkakan asin nagsabi ki Jesus, “Paladan an mga matukaw sa bangkete duman sa Kahadean nin Dios!”

1 Corinto 10:18

Hilinga nindo an mga taga Israel; an mga nagkakakan kan mga idinolot sa altar bilang atang, nagigin kahiras sa paglingkod sa altar.

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 27:7

Diyan nindo dadarahon saka kakakanon an mga atang para sa katoninongan, asin mag-oogma kamo sa atubang nin Kagurangnan na saindong Dios.