Exodo 18:11 - Marahay na Bareta Biblia

¹¹ Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Exodo 18:11 ပူးပေါင်းရင်းမြစ်များ

1 Mga Hade 17:24

Nagsimbag an babae, “Ngunyan aram ko na saro kang sorogoon nin Dios asin an Kagurangnan nagtataram sa paagi mo!”

2 Mga Hade 5:15

Nagbalik siya ki Eliseo kaiba an gabos niyang tawohan dangan nagsabi, “Ngunyan naaaraman ko na mayo nin Dios sa bilog na daga kundi sa Israel sana. Kaya nakikimaherak ako na akoon mo an regalong hale sako.”

1 Mga Cronica 16:25

Huli ta dakula an Kagurangnan, asin maninigo nanggad na omawon; dapat siyang katakotan orog sa gabos na dios.

2 Mga Cronica 2:5

Dakula an templo na sakong ipapatugdok, huli ta mas dakula an samuyang Dios ki sa ibang mga dios.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Nehemias 9:16

Alagad an samong mga ginikanan nagin mapaabaw-abaw saka matagas an payo, asin dai ninda inotob an saimong mga togon.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Salmo 119:21

Saimong tinutuyaw an mga mapaabaw-abaw, mga isinumpa, na naglalapas kan saimong mga pagboot.

Salmo 135:5

Aram kong dakula an satong Kagurangnan, mas dakula ki sa gabos na dios-dios.

Salmo 31:23

Kamong mga banal, kamotan nindo an Kagurangnan! An mga maimbod saiyang inaataman, alagad pinapadusahan an mapaabaw-abaw.

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Salmo 97:9

Huli ta ika, Kagurangnan, an pinakahalangkaw sa bilog na daga; orog na dakula ki sa gabos na mga dios.

Exodo 1:10

Kaipuhan magin tuso kita tanganing mapugol an saindang pagdakul, ta kun magkagera, tibaad umapil sinda sa satong mga kaiwal, labanan kita dangan bayaan an satong daga.”

Exodo 1:16

“Kun kamo magpaaki sa mga babaeng Hebreyo, gadanon nindo an aki kun lalaki alagad pabayaan nindong mabuhay kun babae.”

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 14:18

Sa oras na madaog ko sinda, maaaraman kan mga Egipcio na ako an Kagurangnan.”

Exodo 14:8

Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Exodo 5:7

“Ontokon an pagtao nin dagami sa mga tawo. Poon ngunyan sinda na an maghanap kan mga dagaming gagamiton ninda sa paggibo nin ladrilyo.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mga Bilang 33:4

na naglulubong kan mga matua nindang aking lalaki na ginadan nin Kagurangnan. Huli kan ginibong ini nin Kagurangnan ipinahiling niya na mas mapangyari siya ki sa mga dios-dios nin Egipto.

Lukas 1:51

Nagpahiling siya nin kosog nin saiyang kamot, winarak niya an mga mapaabaw-abaw sagkod an gabos nindang kaisipan.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.