Exodo 17:7 - Marahay na Bareta Biblia

⁷ An lugar nginaranan Massa asin Meriba, huli ta nagreklamo an mga Israelita, asin huli ta binalo ninda an Kagurangnan kan sinda magsabi, “Kaibahan ta daw an Kagurangnan o dai?”

Exodo 17:7 ပူးပေါင်းရင်းမြစ်များ

Salmo 106:32

An Kagurangnan pinaanggot ninda sa katubigan nin Meriba; asin naparaot si Moises huli sa sainda.

Salmo 78:18

Tuyong binalo ninda an Dios sa paagi nin paghagad kan kakanon na saindang minawot.

Salmo 81:7

Kan kamo nasa kahorasaan, inapod nindo ako asin ilinigtas ko kamo. Hale sa pinagtatagoan kong daguldol, sinimbag ko kamo. Binalo ko kamo duman sa mga burabod nin Meriba.

Salmo 81:8

Banwaan ko, dangoga an sakong patanid; Israel, kun magdangog ka lamang sako!

Salmo 95:8

“Hare pagpatagasa an saindong mga puso, siring duman sa Meriba, siring kan aldaw sa Massa duman sa kalangtadan,

Exodo 17:2

kaya nagreklamo sinda ki Moises asin nagsabi, “Tawan mo kami nin tubig na iinomon.” Nagsimbag sainda si Moises, “Tadaw ta nagrereklamo kamo? Tano ta binabalo nindo an Kagurangnan?”

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 20:13

Nangyari ini sa Meriba, saen nagreklamo an banwaan nin Israel tumang sa Kagurangnan; duman niya ipinahiling sainda na siya banal.

Mga Bilang 20:24

“Dai makakalaog si Aaron sa dagang ipinanuga kong itatao sa Israel; magagadan siya huli ta dai nindo sinunod an sakong pagboot duman sa Meriba.

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

Deuteronomio 6:16

“Dai nindo pagbaloon an Kagurangnan na saindong Dios, arog kan ginibo nindo saiya duman sa Massa.

Deuteronomio 9:22

“Pinaanggot man nindo an Kagurangnan na saindong Dios kan yaon kamo duman sa Tabera, sa Massa, asin duman sa Kibrot-hattaava.

Josue 22:31

Nagsabi sainda si Finehas, na aki ni Eleazar na padi, “Aram mi na ngunyan na kaiba nyato an Kagurangnan. Dai kamo nagtumang saiya, kaya ilinigtas nindo an mga Israelita sa padusa nin Kagurangnan.”