Exodo 17:14 - Marahay na Bareta Biblia

¹⁴ Dangan nagtaram an Kagurangnan ki Moises, “Isurat mo an kapangganahan na ini tanganing dai malingawan. Sabihan mo si Josue na paparaon ko sa daga an mga Amalekita.”

Exodo 17:14 ပူးပေါင်းရင်းမြစ်များ

2 Samuel 1:1

Pagkagadan ni Saul, nagbalik si David hale sa mapangganang pakilaban sa mga Amalekita asin nag-ontok sa Ziklag sa laog nin duwang aldaw.

2 Samuel 8:12

an Edom, Moab, Ammon, Filistia, asin Amalek—patin an nasamsam ki Hadadezer na aking lalaki ni Rehob na hade nin Zoba.

1 Mga Cronica 4:42

Kinyentos na mga kaayon sa tribu ni Simeon an nagduman sa sirangan kan Bukid nin Seir. An mga lider ninda iyo si Pelatias, Nearias, Refaias, asin Uziel na mga aking lalaki ni Isi.

1 Mga Cronica 4:43

Ginaradan ninda an mga natadang Amalekita, asin duman na sinda nag-erok poon kaidto.

Esdras 9:14

Lalapason pa daw giraray nyamo an saimong mga togon asin makipag-agoman sa mga tawong ini na naggigibo nin makauuyam na mga bagay? Kun gibohon mi iyan, maaanggot ka nin makuri samo asin tutunawon mo kami sagkod na mayo na nin matada samo.

An Libro ni Job 18:17

Napapara sa kinaban an saiyang dangog, an saiyang ngaran dai na magigiromdoman.

An Libro ni Job 19:23

“Mawot kong nasusurat an sakong mga tataramon, na nasusurat sa sarong libro!

Salmo 9:6

Napara sagkod lamang an satong mga kaiwal; rinumpag mo an saindang mga syudad; dai na sinda nagigiromdoman.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 17:13

Huli kaini, nadaog ni Josue an mga Amalekita.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 32:33

Nagsimbag an Kagurangnan, “An ngaran kan nagkasala sako iyo an paparaon ko sa sakong libro.

Exodo 34:27

Nagtaram an Kagurangnan ki Moises, “Isurat mo an mga tataramon na ini huli ta iyo ini an kakosogan kan pakikipagtipan ko saimo asin sa Israel.”

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Jeremias 30:2

nagtaram sako, “Isurat mo sa sarong libro an gabos na sinabi ko saimo,

Jeremias 36:2

“Kumua ka nin suratan asin isurat mo an gabos na sinabi ko saimo manongod sa Israel, sa Juda saka sa gabos na nasyon. Isurat mo an gabos na itinaram ko saimo magpoon kan enot takang kaolayon, kan si Josias iyo an hade, sagkod ngunyan na aldaw,

Mga Bilang 24:20

Dangan sa saiyang bisyon nahiling ni Balaam an mga Amalekita asin nagpropesiya siya: “An Amalek iyo an mapangyari sa gabos na nasyon, Alagad sa kataposan mapapara siya sagkod lamang.”

Mga Bilang 33:2

Sa pagboot nin Kagurangnan, isinurat ni Moises an ngaran kan lambang lugar na saindang pinagkampohan.

Deuteronomio 31:9

Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”

1 Samuel 15:18

sinugo ka niya asin pinagbotan na gadanon an makasalan na mga Amalekita. Pinagbotan ka niyang makilaban sagkod na maubos sinda.

1 Samuel 30:1

Pakalihis nin duwang aldaw, nag-abot sa Ziklag si David asin an saiyang mga tawohan. Tapos pa sanang salakayon kan mga Amalekita an habagat na parte nin Juda asin an Ziklag. Sinulo ninda an banwa

1 Samuel 30:17

Amay pa kan sunod na aldaw, sinalakay sinda ni David asin linabanan sagkod na banggi. Mayo nin nakadulag sa mga Amalekita pwera kan apat na gatos na hoben na nakasakay sa mga kamelyo.