Exodo 16:32 - Marahay na Bareta Biblia

³² Nagsabi si Moises sa mga tawo, “Ipinagboot nin Kagurangnan na itago ta an ibang manna tanganing mahiling kan satong kapagarakian an tinapay na ipinakakan niya sato sa desyerto pakatapos na iluwas niya kita sa Egipto.”

Exodo 16:32 ပူးပေါင်းရင်းမြစ်များ

Salmo 105:5

Kamong kapagarakian ni Abraham na sorogoon nin Dios; kamong kapagarakian ni Jacob na saiyang pinili; giromdomon nindo an mga ginibo niyang ngangalasan, an mga milagro, asin an mga itinaram niyang mga sentensya.

Exodo 16:16

Ipinagboot nin Kagurangnan na an lambang saro saindo kumua sosog sa pangangaipo niya asin kan saiyang pamilya; duwang litro an lambang saro.”

Exodo 16:31

Manna an inginaran kan mga Israelita sa tinapay. Nakakaarog ini sa sadit asin maputing pisog nin kulantro, dangan garo galyetas na minasa sa dugos an namit kaini.

Exodo 16:33

Nagsabi si Moises ki Aaron, “Kumua ka nin sarong dulay, laogan mo nin duwang litrong manna dangan ibugtak mo sa atubang nin Kagurangnan tanganing sarayon para sa satong kapagarakian.”

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Oseas 11:4

Dinagka ko sinda sa sako huli sa pakikipagkatood asin pagkamoot. Initaas ko sinda dangan idinuta sa sakong pisngi; nagduko ako sainda asin pinakakan ko sinda.

Lukas 22:19

Dangan nagkua siya nin tinapay, nagpasalamat, binaraak, itinao sa saiyang mga disipulo asin nagsabi, “Ini an sakong hawak, na itinatao para saindo. Gibohon nindo ini sa pagromdom sako.”

Hebreyo 2:1

Kaya dapat na orog na pahalagahan nyato an mga katotoohan na nadangog ta tanganing dai kita mapaharayo diyan.

Hebreyo 9:4

Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.