Exodo 16:28 - Marahay na Bareta Biblia

²⁸ Kaya tinaraman nin Kagurangnan si Moises, “Sagkod nuarin kamo masuhay sa sakong mga togon saka pagboot?

Exodo 16:28 ပူးပေါင်းရင်းမြစ်များ

2 Mga Hade 17:14

Alagad habo sindang maghinanyog; nagin matagas an saindang payo arog kan saindang mga ginikanan, na dai nagtubod sa Kagurangnan na saindang Dios.

2 Mga Hade 17:15

Isinikwal ninda an saiyang mga katukdoan, dai ninda kinuyog an tipan na ginibo niya sa saindang mga ginikanan, asin dai ninda dinangog an saiyang mga patanid. Sinamba ninda an mayong halagang mga ladawan asin sinda mismo nawaraan nin halaga; inarog ninda an mga gawe kan mga nasyon na nakapalibot sainda, mga gawe na ipinangalad sainda nin Kagurangnan.

Salmo 106:13

Alagad nalingawan tolos ninda an saiyang mga gibo; dai na hinalat an saiyang hatol.

Salmo 78:10

Dai ninda inotob an saindang tipan sa Dios; dai sinda naglakaw sa dalan nin saiyang mga togon.

Salmo 78:22

huli ta mayo sindang pagtubod sa saiya asin dai nagsarig sa saiyang nakakaligtas na kapangyarihan.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 16:27

Sa ikapitong aldaw, may mga tawong nagluwas tanganing magkua nin pagkakan alagad mayo sindang nakua.

Exodo 16:29

Giromdoma nindo na tinawan ko kamo nin aldaw nin pahingalo, kaya sa ikaanom na aldaw tinatawan ko kamo nin pagkakan para sa duwang aldaw. An lambang saro dai maghale sa saiyang lugar asin mayong magluwas sa harong sa ikapitong aldaw.”

Isaias 7:13

Nagsabi si Isaias, “Pagdangog kun siring, kapagarakian ni Hadeng David. Dikit pa daw sa saindo an pagbalo kan pagkamatinios nin mga tawo, ta binabalo pa nindo an pagkamatinios nin sakong Dios?

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:16

Nagsumpa ako huli ta isinikwal ninda an sakong mga pagboot. Dai sinda naglakaw sosog sa sakong mga togon asin linapas ninda an Sabbath. Pinaorog ninda an pagsamba sa mga dios-dios.

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.

Mga Bilang 14:11

Tinaraman nin Kagurangnan si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Mga Bilang 20:12

Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Markos 9:19

Sinabihan sinda ni Jesus, “Mga tawong mayo nin pagtubod! Sagkod nuarin ako magigin kaiba-iba nindo? Sagkod nuarin ko kamo pagtitioson? Daraha sako an aki!”