Exodo 16:23 - Marahay na Bareta Biblia

²³ Sinabihan sinda ni Moises, “Ipinagboot nin Kagurangnan na lutoon na nindo ngunyan an gusto nindong lutoon. An pagkakan na matada isaray nindo para sa masunod na aldaw, huli ta an bilog na aldaw sa aga, aldaw nin pahingalo, sarong banal na Sabbath para sa Kagurangnan.”

Exodo 16:23 ပူးပေါင်းရင်းမြစ်များ

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

Exodo 16:19

Sinabihan sinda ni Moises, “Mayo nin magtada kaiyan para sa aga.”

Exodo 23:12

“Magtrabaho kamo sa laog nin anom na aldaw alagad sa ikapitong aldaw magpahingalo kamo, tanganing makapahingalo man an saindong mga oripon saka an mga dayuhan, dangan mahingaloan man an saindong mga hayop.

Exodo 31:15

Igwa kamong anom na aldaw sa pagtrabaho, alagad an ikapitong aldaw sarong aldaw nin solemning pahingalo, banal para sako. Gagadanon an siisay man na magtrabaho sa aldaw na iyan.

Jeremias 17:22

o magdara nin anoman paluwas sa saindang mga harong kun aldaw nin Sabbath. Dai sinda magtrabaho kun Sabbath; ipaglehe ninda ini bilang sarong banal na aldaw siring kan ipinagboot ko sa saindang mga ginikanan.

Levitico 23:3

Magtrabaho kamo sa laog nin anom na aldaw, alagad an ikapitong aldaw iyo an Sabbath nin solemning pahingalo, sarong banal na pagtiripon; dai kamo magtrabaho. Saen man kamo mag-erok, giromdomon nindong an aldaw na iyan sarong Sabbath para sa Kagurangnan.

Mga Bilang 11:7

An manna garo pisog nin kulantro na krema an kolor.

Mga Bilang 11:8

Kun banggi, minahugpa iyan sa kampo kaiba kan ambon. Pagkaaga, pinupurot iyan kan mga Israelita, ginigiling o binabayo tanganing magin arina, dangan linalabonan asin ginigibong tinapay. An namit kaiyan garo tinapay na sinalakan nin lana nin oliba.)

Lukas 23:56

Pakatapos, nagpuli sinda dangan nag-andam nin mga pahamot saka mga panlahid para sa bangkay. Nagpahingalo sinda kan aldaw na Sabbath, sosog sa Katogonan.

Deuteronomio 5:12

“‘Giromdoma nindo an Sabbath asin pakabanala nindo iyan, siring na ako, an Kagurangnan na saindong Dios, iyo an nagboot saindo.

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,