Exodo 16:14 - Marahay na Bareta Biblia

^14-15 Kan mawara na an ambon, nahiling kan mga Israelita na an kalangtadan pano nin mahihimpis asin saradit na mga bagay na garo nagbilog na ambon sa daga. Dai ninda aram kun ano idto kaya naghinarapotan sinda, “Ano daw ini?” Nagsabi si Moises, “Iyan an tinapay na itinao nin Kagurangnan na saindong kakakanon.

Exodo 16:14 ပူးပေါင်းရင်းမြစ်များ

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Salmo 105:40

Naghagad sinda, asin an Dios nagpadara nin mga pugo; tinawan niya sinda nin dakul na tinapay hale sa langit.

Salmo 147:16

Nyebeng arog kan lana an itinatao niya; ambon siring sa abo na iwinawarak niya.

Salmo 78:24

pinauranan niya sinda nin manna na saindang makakakan, asin tinawan sinda kan langitnon na pagkakan.

Exodo 16:31

Manna an inginaran kan mga Israelita sa tinapay. Nakakaarog ini sa sadit asin maputing pisog nin kulantro, dangan garo galyetas na minasa sa dugos an namit kaini.

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.