Exodo 15:7 - Marahay na Bareta Biblia

⁷ Mga kaiwal dinaog kan saimong dakulang kapangyarihan; garo dagaming sinulo kan saimong kaanggotan.

Exodo 15:7 ပူးပေါင်းရင်းမြစ်များ

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 59:13

tunawon mo sinda sa saimong kaanggotan, tunawon mo sagkod na sinda mapara, tanganing masabotan kan mga tawo na an Dios naghahade sa Israel, sagkod sa mga poro nin daga.

Salmo 68:33

sa saiya na naglulunad sa kalangitan, mga suanoy na kalangitan. Uya, ipinapadara niya an saiyang tingog, an makosog niyang tingog.

Salmo 83:13

Dios ko, iwarak mo sinda siring sa alpog; siring sa ata na ipinapalid nin doros.

Exodo 14:27

Kaya inunat ni Moises an saiyang kamot sa tangod kan dagat, asin pagkaaga nagbalik an tubig sa dating rarom. Naghingowang makadulag an mga Egipcio, alagad itinapok sinda nin Kagurangnan sa tahaw kan dagat.

Exodo 5:12

Kaya nalibot kan mga tawo an bilog na Egipto sa paghanap nin dagami.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Isaias 37:17

Hinanyoga ako, O Kagurangnan. Hilinga an nangyayari samo. Dangoga an mga tataramon ni Senakerib, na nagsugo sa pagtuyatuya saimo, an Dios na buhay.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Isaias 37:38

Sarong aldaw, kan nagsasamba siya sa templo kan saiyang dios na si Nisrok, ginadan siya kan duwa niyang aking lalaki na si Adrammelek asin Sarezer, dangan nagdulag an mga ini sa daga nin Ararat. Si Esarhadon na saro pa niyang aking lalaki an nagsalihid saiya bilang emperador.

Isaias 47:14

“Makakaarog sinda sa mga kaputol na dagami, asin matututong sinda sa kalayo! Dai sinda makakaligtas sa sobrang init nin kalayo. Bako ini an kalayo na pwede sanang pagpahimbongan.

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Jeremias 10:6

Kagurangnan, mayo nin makakaarog saimo; mapangyari ka, dakula saka mapangyari an saimong ngaran.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 14:8

Pag-abot kan aldaw na iyan, mabulos hale sa Jerusalem an preskong tubig; an kabanga kaiyan mapasiring sa Gadan na Dagat asin sa Mediteraneo an kabanga. Magbubulos iyan sa bilog na taon, tig-init man o tig-lipot.

Zacarias 2:8

An siisay man na makikiaram saindo, makikiaram kan pinakamahalaga para sako.” Kaya sinugo ako kan Kagurangnan nin mga hukbo na darahon an mensaheng ini sa mga nasyon na nanamsam kan saiyang banwaan;

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Deuteronomio 33:26

O Israel, daing kabaing an saindong Dios, na nakasakay sa panganoron; sa kamurawayan, minahilig siya hale sa langit tanganing kamo tabangan.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Hebreyo 12:29

huli ta an satong Dios garo kalayong nanghahalon.