Exodo 15:5 - Marahay na Bareta Biblia

⁵ Tinahoban sinda kan dagat na hararom; siring sa gapo, tolos sindang nag-irarom.

Exodo 15:5 ပူးပေါင်းရင်းမြစ်များ

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

Salmo 106:11

Nalamos sa katubigan an mga kaiwal; mayo nin natada maski saro lamang.

Exodo 14:28

Nagbalik an tubig asin natahoban an gabos na karwahe, an mga nagpapadalagan kaiyan, sagkod an gabos na hukbo nin Egipto na naglamag kan mga Israelita sa dagat; mayong natada maski saro.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 15:16

Pakahiling kan saimong kosog, O Kagurangnan, takot asin takig sinda inabotan, siring sa gapo dai sinda nakahiro sagkod na makaagi an saimong banwaan, mga tawong ilinigtas mo sa kaoripnan.

Mga Talinhaga 8:24

Namundag ako kan mayo pa an kadagatan, kan mayo pa an mga burabod nin tubig.

Ezekiel 27:34

Ngunyan naronot ka sa dagat; nag-irarom ka sa katubigan. An mga produkto mo asin an gabos na nagtrabaho para saimo nalunod na kaiba mo.’

Jonas 2:2

“Sa sakong kasakitan, nag-apod ako saimo, O Kagurangnan, asin sinimbag mo ako. Sa kairaroman kan kinaban kan mga gadan nagkurahaw ako sa paghagad nin tabang, asin dinangog mo ako.

Mikas 7:19

Maheherakan mo giraray kami. Titimaktimakan mo an samong mga kasalan dangan itatapok mo iyan sa kairaroman kan dagat!

Mateo 18:6

“An siisay man na magin dahelan nin pagkasala kan saro sa mga saradit na ini na minatubod sako, mas marahay pang tagulnodan siya nin gapong gilingan sa liog dangan lunodon sa tahaw kan dagat.

Kapahayagan 18:21

Dangan sarong makosog na anghel an nagpurot nin gapo na arog kadakula kan gapong gilingan saka itinapok idto sa dagat, dangan nagsabi, “Arog kaini kakosog an pagbagsak kan dakulang syudad nin Babilonia; dai na nanggad iyan mahihiling.