Exodo 15:22 - Marahay na Bareta Biblia

²² Sa pangengenot ni Moises, naghale an mga tawo sa Dagat na Pula asin nagpasiring sa kalangtadan nin Sur. Tolong aldaw na sindang nagralakaw, alagad mayo sindang nakuang tubig.

Exodo 15:22 ပူးပေါင်းရင်းမြစ်များ

Genesis 16:7

Sinabat si Hagar kan anghel nin Kagurangnan sa may burabod sa kalangtadan, sa dalan pasiring sa Sur.

Genesis 20:1

Hale sa Mamre, nagpasiring sa habagat na parte kan Canaan si Abraham asin nag-erok sa pagultanan kan Kades asin Sur. Kan nag-eerok na siya sa Gerar,

Genesis 25:18

An saiyang mga kapagarakian nag-erok poon sa Havila sagkod sa Sur na nasa ibong kan Egipto, sa dalan pasiring sa Asiria; namuhay sindang suhay sa ibang mga kapagarakian ni Abraham.

Salmo 136:16

An saiyang banwaan pinangenotan niya sa kalangtadan; an saiyang pagkamoot mayo nin kataposan.

Salmo 77:20

Siring sa sarong pastor, pinangenotan mo an saimong banwaan, sa pamamahala ni Moises saka ni Aaron.

Salmo 78:52

Dangan siring sa sarong pastor, pinangenotan niya an saiyang banwaan asin dinara sa desyerto.

Salmo 78:53

Matiwasay niya sindang dinara, kaya dai sinda nagkatarakot; alagad tinahoban kan dagat an saindang mga kaiwal.

Exodo 17:1

Naghale sa kalangtadan nin Sin an bilog na komunidad nin Israel sa paoroontok na paglakaw siring sa pagboot nin Kagurangnan. Nagkampo sinda sa Refidim, alagad mayo duman nin tubig na maiinom,

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Mga Bilang 33:8

Binayaan ninda an Pi-hahirot dangan uminagi sa Dagat na Pula pasiring sa kalangtadan nin Sur; pakalihis nin tolong aldaw na pagbaklay nagkampo sinda sa Mara.

1 Samuel 15:7

Nadaog ni Saul an mga Amalekita, na saiyang linabanan magpoon sa Havila sagkod sa Sur, sa sirangan nin Egipto.

1 Samuel 27:8

Sa laog kan panahon na iyan, dakul na beses na sinalakay ni David asin kan saiyang mga tawohan an mga taga Gesur, Girsi, asin Amalek, na haloy nang nag-erok sa rehiyon na idto. Minasalakay duman si David sagkod sa Sur, pasiring sa Egipto.