Exodo 15:20 - Marahay na Bareta Biblia

²⁰ Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Exodo 15:20 ပူးပေါင်းရင်းမြစ်များ

Genesis 31:27

Tano ta dinaya mo ako asin naghale ka na daing paisi? Kun sinabihan mo ako, kutana dinespedir ko kamo na may kaogmahan asin karantahan, sa tanog nin tamborin saka arpa.

2 Samuel 1:20

Dai nindo ini ipagbuyagyag sa Gat o sa mga dalan nin Askelon; tibaad mag-orogma an mga aking babae kan mga Filisteo, tibaad mag-orogma an mga aking babae kan mga pagano.

2 Samuel 6:14

Nagsayaw si David sa atubangan nin Kagurangnan sa bilog niyang kosog; nakasulot siya nin efod na lino.

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

2 Mga Hade 22:14

Si Hilkias, Ahikam, Akbor, Safan, asin si Asaias nagduman ki Hulda na sarong babaeng propeta na nag-erok sa bagong kabtang kan Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

1 Mga Cronica 15:16

Pinagbotan man ni David an mga lider kan mga Levita na ibugtak an iba nindang tugang tanganing mag-awit asin magtugtog nin maogmang musika sa mga arpa, lira saka gimbal.

1 Mga Cronica 6:3

Nagkaigwa nin duwang aking lalaki si Amram na iyo si Aaron saka si Moises, asin sarong aking babae na an ngaran Miriam. An mga aking lalaki ni Aaron iyo si Nadab, Abihu, Eleazar, asin Itamar.

Nehemias 6:14

Namibi ako, “O Dios, giromdoma an ginibo ni Tobias saka ni Sanballat, asin padusahan mo sinda. Giromdoma an babaeng propetang si Nodias asin an gabos na propetang naghingowang takoton ako.”

Salmo 149:3

Magsayaw sa kaomawan nin saiyang ngaran; mag-awit saiya sa tanog kan tamborin asin lira.

Salmo 150:4

Omawon siya sa tamborin asin sa pagsayaw; omawon siya sa gitara asin sa plawta.

Salmo 30:11

An sakong kamondoan sinanglean mo nin pagsayaw; hinale mo an sakong pagmondo asin hinagkosan mo ako nin kaogmahan.

Salmo 68:11

Itinao nin Kagurangnan an pagboot; dinara kan kadaklan an bareta:

Salmo 68:25

An mga paraawit nasa enotan, an mga musiko nasa hudyan, an mga babaeng nagtutugtog nin tamborin nasa pagultanan.

Salmo 68:26

“Pag-omawon an Dios sa katiriponan nin saiyang banwaan; kamong kapagarakian ni Jacob, omawon nindo an Kagurangnan!”

Salmo 81:2

Kosogon an awit, patanogon an mga tamborin; magtugtog sa mahamis na tanog kan mga arpa saka lira.

Exodo 2:4

An aki binantayan kan tugang niyang babae sa horoharayo tanganing hilingon kun ano an mangyayari saiya.

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Jeremias 31:4

Papatindogon ko giraray kamo. Magtutugtog giraray kamo kan saindong mga tamborin asin maogma kamong magsasayaw.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Bilang 12:1

Taga Cus an naagom ni Moises kaya binasol siya ni Miriam asin ni Aaron.

Mga Bilang 12:2

Olay ninda, “Nagtaram daw an Kagurangnan sa paagi sana nanggad ni Moises? Bakong nagtaram man siya sa paagi nyato?” Nadangog nin Kagurangnan an saindang sinabi. (

Mga Bilang 20:1

Kan enot na bulan, an bilog na komunidad nin Israel nakaabot sa kalangtadan nin Zin asin nagkampo sa Kades. Duman nagadan asin ilinubong si Miriam.

Mga Bilang 26:59

na an agom iyo an aking babae ni Levi na si Jokebed na namundag sa Egipto. Nagin aki ninda si Aaron, si Moises asin si Miriam.

Lukas 2:36

Igwa man nin sarong propetang babae na an ngaran Ana, na aki ni Fanuel na gikan sa tribu ni Aser. Gurang na siyang marahay. Pitong taon pa sana siyang kasal

Mga Gibo 21:9

Igwa siya nin apat na aking daraga na naghuhulit man kan tataramon nin Dios.

1 Corinto 11:5

An babae na mayong suklob na namimibi sa publiko o nagpapahayag kan mensahe nin Dios, dai minagalang sa agom niya. Mayo siyang kalaenan sa babaeng inarisan an payo.

1 Corinto 14:34

an mga babae dai dapat magtaram sa simbahan, huli ta dai sinda tugot na magtaram. Dapat sindang magin parasunod bakong parapamahala, siring sa ipinagboboot kan Katogonan.

Hukom 11:34

Kan magpuli si Jefta sa Mizpa, sinabat siya kan aki niyang babae na nagsasayaw mantang nagtutugtog nin tamborin. Siya an bugtong na aki ni Jefta,

Hukom 21:21

asin magmasid. Pagluwas kan mga daraga nin Shilo tanganing magsayaw sa pyesta, magluwas man kamo hale sa ubasan. Dangan mandakop nin agom an lambang saro saindo asin ipag-iba nindo sinda sa teritoryo ni Benjamin.

Hukom 4:4

Naglilingkod kaidto bilang hukom sa Israel an babaeng propeta na an ngaran Debora, na agom ni Lappidot.

1 Samuel 10:5

Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.

1 Samuel 18:6

Kan magpuli si David pakatapos na magadan si Goliat asin kan magpuruli na an mga soldados, nagruluwas an kababaehan hale sa gabos na banwa nin Israel tanganing sabaton si Hadeng Saul. Nag-aarawit sinda nin maogmang mga awit, nagsasarayaw, asin nagtuturugtog nin mga tamborin saka lira.