Exodo 15:19 - Marahay na Bareta Biblia

¹⁹ An mga Israelita nagbalyo sa dagat na an linakawan iyo an mamarang daga. Alagad kan lamagon sinda sagkod sa dagat kan mga nakakabayo asin mga nakakarwaheng Egipcio, ibinalik nin Kagurangnan sa dating rarom an tubig asin natahoban sinda.

Exodo 15:19 ပူးပေါင်းရင်းမြစ်များ

Mga Talinhaga 21:31

Pwedeng iandam an mga kabayo para sa ralaban, alagad an Kagurangnan iyo an minatao nin kapangganahan.

Isaias 43:17

Pinangenotan niya an sarong mapangyaring hukbo pasiring sa kapahamakan, sarong hukbo nin mga karwahe saka mga kabayo. Nagkaturumba sinda asin dai na nakabangon, pinalsok sinda siring sa laad nin sarong ilawan.

Hebreyo 11:29

Huli sa pagtubod, an mga Israelita nakabalyo sa Dagat na Pula na garo sa dagang mamara; alagad kan an mga taga Egipto magbaralyo man, nagkaralamos sinda.

Josue 4:23

Sabihan nindo sinda na pinamara nin Kagurangnan an tubig kan Jordan para sa saindo sagkod na kamo nakabalyo, siring kan pagpamara niya kan Dagat na Pula para samo.