Exodo 15:17 - Marahay na Bareta Biblia

¹⁷ Dinara mo sinda asin itinanom sa sadiri mong bukid, an lugar, O Kagurangnan, na pinili mo bilang saimong erokan, an Templo na saimong hinaman.

Exodo 15:17 ပူးပေါင်းရင်းမြစ်များ

2 Samuel 7:10

Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

1 Mga Hade 8:13

Itinugdok taka nin sarong magayon na Templo, sarong lugar na saimong erokan sagkod lamang.”

Salmo 114:2

an Juda nagin santwaryo nin Kagurangnan, an Israel saiyang nasadirihan.

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 68:16

O bukid nin dakul na alitoktok, tadaw ta naaara ka sa bulod na minawot nin Dios na magin niyang erokan? Duman maerok an Kagurangnan sagkod lamang!

Salmo 76:2

An saiyang harong yaon sa Jerusalem, nag-eerok siya sa Bukid nin Sion.

Salmo 80:15

an banwaan na itinanom kan saimong kamot, pinatalubo sagkod na pumusog.

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Exodo 15:13

Maimbod sa panuga, nangenot ka sa mga tawong saimong ilinigtas; sinda inantabayan mo kan saimong kosog pasiring sa saimong banal na daga.

Exodo 23:20

“Susugoon ko an sarong anghel na mangengenot saindo tanganing bantayan kamo sa dalan asin tanganing darahon kamo sa lugar na sakong inandam.

Exodo 25:8

Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda.

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Ezekiel 37:26

Makikipagtipan ako sainda nin sarong tipan nin katoninongan, asin iyan magigin sarong daing kataposan na tipan. Bebendisyonan ko sinda asin papadakulon; an sakong Templo danay na matindog sa tahaw ninda sagkod pa man.

Ezekiel 37:28

Kun ibugtak ko na an sakuyang Templo sa tahaw ninda sagkod pa man, dangan maaaraman kan mga nasyon na ako, an Kagurangnan, an nagpili sa Israel na magin sadiri kong banwaan.”

Deuteronomio 33:19

Aapodon ninda sa saindang bukid an mga dayuhan sa pagdolot duman nin maninigong atang. Kinukua ninda sa dagat an saindang yaman, asin sa mga baybay kan kadagatan.”

Josue 22:19

Ngunyan, kun an saindong daga bakong maninigo na pagsambahan saiya, bumalyo kamo sa daga nin Kagurangnan saen nakatugdok an saiyang Tabernakulo. Kumua kamo nin daga sa samong pagsadiri. Alagad dai kamo magtumang sa Kagurangnan asin dai man nindo kami paggibohon na matumang, huli sa pagpatindog nindo nin altar bilang dagdag sa altar nin Kagurangnan na satong Dios.