Exodo 15:14 - Marahay na Bareta Biblia

¹⁴ Nakadangog an mga banwaan asin tinarakigan; mga Filisteo makuring takot an namatean.

Exodo 15:14 ပူးပေါင်းရင်းမြစ်များ

1 Mga Cronica 14:17

Nakalakop an kabantogan ni David sa bilog na daga, asin ginibo nin Kagurangnan na matakot saiya an gabos na nasyon.

Salmo 48:6

Duman inabtan sinda nin takig, nin kulog siring sa babaeng nangangaki;

Salmo 48:7

siring sa mga sakayan nin Tarsis na rinoronot nin makosog na bagyo.

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 23:5

Maski an mga Egipcio magkakatirikbahan asin panruruluyahon sa oras na madangog ninda an pagbagsak nin Tiro.

Ezekiel 32:9

“Dakul na nasyon an magkakariribok kun an saimong pagkarumpag ibareta ko na sa mga daga na dai mo pa aram.

Habakkuk 3:6

Kun siya minaontok, an daga minakunogkunog; sa saiyang paghiling an mga nasyon minakubogkubog. Nagkawarasak an mayong kataposan na kabukidan; nag-urulnod an mayong kataposan na kabubuldan, an kabubuldan na saiyang linakawan kan suanoy na panahon.

Habakkuk 3:7

Nahiling ko na nagkatarakot an mga taga Cushan asin nagkurubogkubog an mga taga Midian.

Mga Bilang 14:14

ipapamareta ninda iyan sa mga nag-eerok sa dagang ini. Nadangog na man kan mga tawong ini na kaiba mi ika, O Kagurangnan, na nahihiling ka kun minaontok an saimong panganoron sa tangod nyamo, asin kun aldaw nangengenot ka sa samo sa sarong harigi nin panganoron dangan kun banggi sa sarong harigi nin kalayo.

Mga Bilang 22:5

nin mga sugo ki Balaam na aki ni Beor, na idtoon sa Petor harani sa Salog nin Eufrates sa daga nin Amaw. Dara ninda an mensaheng ini hale ki Balak: “Boot kong maaraman mo na sarong nasyon an nag-abot hale sa Egipto. Nakakalakop na sinda sa gabos na lugar asin harani na sa samong daga.

Deuteronomio 2:25

Magpoon ngunyan na aldaw, gigibohon kong katakotan kamo kan gabos na tawo sa kinaban. Magtatarakig sa takot an siisay man na makadangog kan saindong ngaran.’

Josue 10:2

Natakot an mga taga Jerusalem huli ta an Gibeon arog kadakula kan arin man na syudad na igwa nin hade; mas dakula pa ini ki sa Ai asin marahay sa pakilaban an mga lalaki kaini.

Josue 2:11

Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Josue 9:9

Dangan nag-istorya sinda: “Hale kami sa sarong lugar na harayo nin marahay, huli ta nadangog mi an manongod sa Kagurangnan na saindong Dios. Nadangog mi an gabos na ginibo niya sa Egipto

1 Samuel 4:7

nagkatarakot sinda asin nagsarabi, “Igwang dios na nag-abot sa saindang kampo! Herak man sato! Dai pa nangyari an arog kaini!

1 Samuel 4:8

Siisay an maligtas sato sa kapangyarihan kan mga makokosog na dios na iyan? Iyo iyan an mga dios na guminadan kan mga Egipcio duman sa kalangtadan!