Exodo 14:8 - Marahay na Bareta Biblia

⁸ Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Exodo 14:8 ပူးပေါင်းရင်းမြစ်များ

Salmo 105:43

Kaya ilinuwas niya an saiyang piniling banwaan, nag-awit sinda asin nagkurahaw sa kaogmahan.

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Exodo 10:27

Alagad pinatagas na naman nin Kagurangnan an puso kan hade kaya dai ini nagtugot na humale sinda.

Exodo 13:16

Ini arog sa sarong bagay na nakagakod sa samong kamot o sa samong angog; magpapagiromdom ini samo na ilinuwas kami nin Kagurangnan sa Egipto huli kan saiyang dakulang kapangyarihan.’”

Exodo 13:18

Kaya pinalibot niya sinda sa kalangtadan pasiring sa Dagat na Pula, maski andam sinda sa pakilaban pagluwas ninda sa Egipto.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 14:17

Orog na papatagason ko an puso kan mga Egipcio kaya lalamagon ninda an mga Israelita, asin makakakua ako nin kaomawan huli kan sakong kapangganahan laban sa hade, sa saiyang mga hukbo asin sa saiyang mga nakakabayo saka mga nakakarwaheng soldados.

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 14:7

Nagluwas siya kaiba an gabos niyang karwahe, kabilang an seis syentos na piling karwahe; an lambang saro kaini may lunad na opisyal.

Exodo 15:9

Nagsabi an kaiwal, ‘Lalamagon ko sinda asin dadakopon; saindang kayamanan sakong babangaon; gabos na magustohan sakong kukuahon asin sa bagsik kan espada gabos sasamsamon.’

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 9:12

Alagad pinatagas nin Kagurangnan an puso kan hade, kaya dai kaini dinangog si Moises saka si Aaron, sosog sa itinaram nin Kagurangnan.

Mga Panambitan 3:65

Maldisyonon mo sinda asin halean nin paglaom!

Levitico 26:13

Ako an Kagurangnan na saindong Dios, na nagkua saindo hale sa Egipto tanganing dai na kamo magin mga oripon. Binari ko na an saindong sakal asin pinalakaw ko kamo na daing sukat ikasopog.”

Mga Bilang 33:3

Naghale sa Egipto an mga Israelita kan ikakinseng aldaw kan enot na bulan kan taon, sarong aldaw pakalihis kan enot na Paskwa. Maogmang binayaan kan mga Israelita an syudad nin Rameses mantang naghihiling an mga Egipcio,

Mga Gibo 13:17

An Dios kan mga Israelita iyo an nagpili sa satong mga ginikanan. Pinadakul niya an mga Israelita kan panahon na sinda nag-erok sa Egipto. Dangan kinua sinda nin Dios sa Egipto sa paagi kan saiyang dakulang kapangyarihan.

Deuteronomio 26:8

Huli kan saiyang dakulang kapangyarihan saka kosog, asin huli kan dakul na ngangalasan saka mangirhat na mga bagay na saiyang ginibo, ilinuwas niya kami sa Egipto.

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’

Josue 11:20

Ginibo nin Kagurangnan na maigot sindang makipaglaban sa mga Israelita tanganing ronoton sinda asin gadanon na mayo nin pagkaherak. Iyo ini an ipinagboot nin Kagurangnan ki Moises.

Hukom 4:7

Dadarahon ko saimo si Sisera na pamayo kan hukbo ni Jabin tanganing labanan ka duman sa Salog nin Kison. Dadarahon niya an saiyang mga karwahe sagkod mga soldados, alagad itatao ko saimo an kapangganahan.’”