Exodo 14:31 - Marahay na Bareta Biblia

³¹ Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Exodo 14:31 ပူးပေါင်းရင်းမြစ်များ

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Nehemias 9:9

“Nahiling mo an kasakitan sa Egipto kan samong mga ginikanan; nadangog mo an saindang inagrangay duman sa Dagat na pula.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Exodo 19:9

Nagtaram an Kagurangnan ki Moises, “Madolok ako saimo sa mahibog na panganoron, tanganing madangog kan mga tawo an pagtaram ko saimo, asin tanganing sagkod lamang magtubod sinda sa saimo.” Ibinareta ni Moises sa Kagurangnan an simbag kan mga tawo.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Lukas 8:13

An banhi na nakasabwag sa lugar na magapo garo an mga tawo na kan madangog an tataramon nin Dios, maogmang minaako kaiyan. Alagad bakong hararom an pakagamot kaiyan; minatubod sinda sa halipot sanang panahon, alagad minasuhay sinda kun binabalo.

Juan 11:45

Dakul sa mga tawong nagdalaw ki Maria an nakahiling kan ginibo ni Jesus, kaya nagtubod sinda saiya.

Juan 2:11

Ginibo ni Jesus an enot na milagrong ini sa Cana nin Galilea; ipinahayag niya duman an saiyang kamurawayan asin nagturubod saiya an mga disipulo niya.

Mga Gibo 8:13

Maski si Simon nagtubod saka nagpabunyag; dai na siya nagsuhay ki Felipe. Napangalas siya sa darakulang milagro saka mga tanda na nahiling niya.

Hebreyo 3:5

Nagin maimbod si Moises sa harong nin Dios bilang sorogoon; nagtaram siya dapit sa mga bagay na ipapahayag nin Dios sa maabot na panahon.

Josue 24:7

naghagad sinda sako nin tabang asin binugtakan ko nin kadikloman sa pagultanan ninda saka kan mga Egipcio. Tinahoban ko kan dagat an mga Egipcio dangan linamos ko sinda. Aram nindo kun ano an ginibo ko sa Egipto. “‘Haloy kamong nag-erok sa kalangtadan.

Josue 4:14

Huli sa ginibo nin Kagurangnan kan aldaw na idto, minidbid kan mga tawo si Josue bilang dakulang tawo. Iginalang siya ninda sa gabos na aldaw nin saiyang pagkabuhay siring na iginalang ninda si Moises.

Josue 4:24

Huli kaini maaaraman kan lambang saro sa kinaban kun gurano kadakula an kapangyarihan nin Kagurangnan, asin oomawon nindo an Kagurangnan na saindong Dios sagkod lamang.”

1 Samuel 12:16

Kaya tindog kamo nin husay, asin mahihiling nindo an dakulang bagay na gigibohon nin Kagurangnan.

1 Samuel 12:18

Kaya namibi si Samuel, asin kan aldaw na idto nagpadara an Kagurangnan nin daguldol saka uran. Dangan nagkatarakot an mga tawo sa Kagurangnan saka ki Samuel.