Exodo 14:30 - Marahay na Bareta Biblia

³⁰ Kan aldaw na iyan, an banwaan nin Israel ilinigtas nin Kagurangnan sa mga Egipcio; nahiling ninda an mga gadan na Egipcio sa baybayon kan dagat.

Exodo 14:30 ပူးပေါင်းရင်းမြစ်များ

2 Mga Cronica 32:22

Sa paaging ini ilinigtas nin Kagurangnan si Ezekias saka an banwaan nin Jerusalem sa kamot ni Senakerib, an emperador nin Asiria asin sa kamot kan iba pa nindang mga kaiwal. Ginibo nin Kagurangnan na mamuhay sinda sa katoninongan kaiba an mga kataraed na nasyon.

Salmo 106:10

Kaya ilinigtas niya sinda sa kamot kan kaiwal, ilinigtas sa kapangyarihan kan kalaban.

Salmo 106:8

Alagad ilinigtas niya sinda huli kan saiyang ngaran, tanganing ipamidbid niya an saiyang kapangyarihan.

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 59:10

Huli kan danay na pagkamoot nin Dios, ako saiyang raranihan; tutugotan niyang mahiling ko an pagkadaog kan mga kaiwal.

Salmo 91:8

Mahihiling mo asin mamamasdan kun paano pinapadusahan an tampalasan.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Isaias 63:8

Nagsabi an Kagurangnan, “Banwaan ko sinda; dai ninda ako dadayaon.” Kaya ilinigtas niya sinda

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.

Hukom 10:11

Nagtaram an Kagurangnan sainda, “Kan nakaaging panahon inapi kamo kan mga Egipcio, mga Amoreo, mga Ammonita, mga Filisteo,

1 Samuel 11:13

Alagad nagsabi si Saul, “Mayo nin siisay man na gagadanon sa aldaw na ini, huli ta iyo ini an aldaw na ilinigtas nin Kagurangnan an Israel.”

1 Samuel 14:23

asin nakilaban sagkod sa ibong kan Bet-aven. Kan aldaw na idto, ilinigtas nin Kagurangnan an Israel.