Exodo 14:28 - Marahay na Bareta Biblia

²⁸ Nagbalik an tubig asin natahoban an gabos na karwahe, an mga nagpapadalagan kaiyan, sagkod an gabos na hukbo nin Egipto na naglamag kan mga Israelita sa dagat; mayong natada maski saro.

Exodo 14:28 ပူးပေါင်းရင်းမြစ်များ

Genesis 50:9

Nag-iriba man ki Jose an mga nakakarwahe asin nakakabayo; sarong dakulang grupo an nagpaduman sa Canaan.

Genesis 7:18

Padagos an pagrarom kan tubig alagad naglataw-lataw sana an arka sa ibabaw kan katubigan.

2 Mga Cronica 20:24

Kan an mga taga Juda magduman sa sarong toreng bantayan duman sa kalangtadan, tinanaw ninda an mga hukbo kan kaiwal asin nahiling nindang gadan na an gabos asin an mga bangkay nagkahurutad sa daga; mayo nin siisay man na nakadulag.

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

Salmo 106:22

mga ngangalasan na ginibo niya duman, mga mangirhat na bagay sa Dagat na Pula.

Salmo 136:15

alagad an Faraon asin an hukbo kaini linamos niya duman; an saiyang pagkamoot mayo nin kataposan.

Salmo 78:53

Matiwasay niya sindang dinara, kaya dai sinda nagkatarakot; alagad tinahoban kan dagat an saindang mga kaiwal.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 15:19

An mga Israelita nagbalyo sa dagat na an linakawan iyo an mamarang daga. Alagad kan lamagon sinda sagkod sa dagat kan mga nakakabayo asin mga nakakarwaheng Egipcio, ibinalik nin Kagurangnan sa dating rarom an tubig asin natahoban sinda.

Habakkuk 3:13

Nagluwas ka sa pagligtas kan saimong banwaan, sa pagligtas kan hadeng saimong pinili. Ginadan mo an pamayo kan mga maraot asin pinuho an saiyang mga parasunod.

Deuteronomio 11:4

an ginibo niya sa bilog na hukbo kan Egipto, kaiba an saindang mga kabayo saka mga karwahe, kan lamoson dangan gadanon sinda nin Kagurangnan sa Dagat na Pula, kan lamagon ninda kamo.

Hebreyo 11:29

Huli sa pagtubod, an mga Israelita nakabalyo sa Dagat na Pula na garo sa dagang mamara; alagad kan an mga taga Egipto magbaralyo man, nagkaralamos sinda.

Hukom 4:16

Linamag ni Barak an mga karwahe saka hukbo ni Sisera sagkod sa Haroset-hagoiim. Nagkagaradan an bilog na hukbo ni Sisera; mayo nin natada maski saro.