Exodo 14:22 - Marahay na Bareta Biblia

²² Nag-ibong sa dagat an mga Israelita na an linakawan iyo an mamarang daga na nasa pagultanan kan duwang lanob nin tubig.

Exodo 14:22 ပူးပေါင်းရင်းမြစ်များ

2 Mga Hade 2:14

Pinakol niya an tubig kan alikboy saka nagsabi, “Haen an Kagurangnan, an Dios ni Elias?” Dangan pinakol niya giraray an tubig, asin nabanga ini; naglakaw si Eliseo pasiring sa ibong kan salog.

2 Mga Hade 2:8

Dangan hinuba ni Elias an saiyang alikboy, linukot asin ipinakol sa tubig. Nabanga an tubig, asin nag-agi sinda sa mamarang daga pasiring sa ibong kan salog.

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

Salmo 106:9

Pinagbotan niya an Dagat na Pula, kaya ini nagin mamara. Pinangenotan niya sinda sa paglakaw sa kairaroman, na garo naglalakaw sa desyerto.

Salmo 136:13

Binanga niya an Dagat na Pula; an saiyang pagkamoot mayo nin kataposan;

Salmo 136:14

an saiyang banwaan pinaagi niya sa tahaw kaiyan; an saiyang pagkamoot mayo nin kataposan;

Salmo 66:6

Ginibo niyang mamarang daga an dagat; naglalakaw na inibong an salog kan sakong mga ginikanan. Nag-ogma kita duman huli kan ginibo niya.

Salmo 74:15

Pinabulos mo an mga sapa saka burabod; pinamara mo an mga darakulang salog.

Salmo 78:13

Binanga niya an dagat asin duman sinda pinalakaw; pinatindog niya an katubigan siring sa mga lanob.

Exodo 14:29

Alagad nagbaralyo sa dagat an mga Israelita na an linakawan iyo an mamarang daga, na nasa pagultanan kan duwang lanob nin tubig.

Exodo 15:19

An mga Israelita nagbalyo sa dagat na an linakawan iyo an mamarang daga. Alagad kan lamagon sinda sagkod sa dagat kan mga nakakabayo asin mga nakakarwaheng Egipcio, ibinalik nin Kagurangnan sa dating rarom an tubig asin natahoban sinda.

Exodo 15:8

Hinoyopan mo an dagat asin an tubig uminitaas, tuminindog na garo lanob; asin an kairaroman tuminagas.

Isaias 11:15

Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 43:16

Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Mga Bilang 33:8

Binayaan ninda an Pi-hahirot dangan uminagi sa Dagat na Pula pasiring sa kalangtadan nin Sur; pakalihis nin tolong aldaw na pagbaklay nagkampo sinda sa Mara.

1 Corinto 10:1

Mga tugang, boot kong giromdomon nindo an nangyari sa satong mga ginikanan na nagsunod ki Moises. Naglakaw sinda gabos sa lindong kan panganoron; gabos ligtas na nag-agi sa Dagat na Pula.

Hebreyo 11:29

Huli sa pagtubod, an mga Israelita nakabalyo sa Dagat na Pula na garo sa dagang mamara; alagad kan an mga taga Egipto magbaralyo man, nagkaralamos sinda.

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 4:22

sabihan nindo sinda na naglakaw sa mamarang daga an Israel kan magbalyo sinda sa Jordan.

1 Samuel 25:16

Binantayan ninda kami aldaw-banggi mantang nag-aataman kami kan mga karnero.