Exodo 14:21 - Marahay na Bareta Biblia

²¹ Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Exodo 14:21 ပူးပေါင်းရင်းမြစ်များ

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Mga Hade 2:8

Dangan hinuba ni Elias an saiyang alikboy, linukot asin ipinakol sa tubig. Nabanga an tubig, asin nag-agi sinda sa mamarang daga pasiring sa ibong kan salog.

Nehemias 9:11

Sa atubang kan saimong banwaan binanga mo an dagat, kaya nag-agi sinda sa mamarang daga sa tahaw kan dagat. An mga nagralamag sainda linamos mo sa hararom na dagat, siring sinda sa gapo na nag-irarom sa anggot na mga katubigan.

An Libro ni Job 26:12

Huli kan saiyang kapangyarihan, napatoninong an dagat; huli kan saiyang pakasabot, an impaktong si Rahab nagadan.

An Libro ni Job 38:24

Nakaduman ka na daw sa sinisirangan kan aldaw, o sa pinaghahalean kan doros sa sirangan?

Salmo 136:13

Binanga niya an Dagat na Pula; an saiyang pagkamoot mayo nin kataposan;

Salmo 148:8

Kalayo asin uran, yelo asin mga panganoron, omawon nindo an Kagurangnan; asin kamong makokosog na doros na minakuyog kan saiyang tataramon.

Salmo 66:6

Ginibo niyang mamarang daga an dagat; naglalakaw na inibong an salog kan sakong mga ginikanan. Nag-ogma kita duman huli kan ginibo niya.

Salmo 74:13

Binanga mo an dagat kan saimong kosog; rinonot mo an payo kan mga dragon sa katubigan.

Salmo 78:13

Binanga niya an dagat asin duman sinda pinalakaw; pinatindog niya an katubigan siring sa mga lanob.

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 14:20

sa pagultanan ninda asin kan mga Egipcio. An panganoron nagtao nin kadikloman sa mga Egipcio, alagad nagtao nin liwanag sa mga Israelita. Kaya nag-agi an bilog na banggi na dai nagkaharanihan an duwang hukbo.

Exodo 15:8

Hinoyopan mo an dagat asin an tubig uminitaas, tuminindog na garo lanob; asin an kairaroman tuminagas.

Exodo 7:19

Nagtaram an Kagurangnan ki Moises, “Sabihan mo si Aaron na kuahon an saiyang sugkod asin unaton an saiyang kamot sa tangod kan katubigan kan Egipto, sa ibabaw kan saindang mga salog, kanal asin sapa. An tubig magigin dugo; magkakaigwa nin dugo sa bilog na daga sagkod sa mga tapayan asin batya.”

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 43:16

Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 44:27

Huli sa sarong pagboot pinaalang ko an dagat.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Isaias 51:15

“Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Habakkuk 3:8

An mga salog daw an dahelan kan pagkaanggot mo, Kagurangnan? An dagat daw an dahelan kan saimong labi-labing kaanggotan? Naglunad ka sa mga panganoron; an panganoron nin bagyo an saimong karwahe, kan darahan mo nin kapangganahan an saimong banwaan.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Josue 2:10

Nadangog mi kun paano pinamara nin Kagurangnan sa atubang nindo an Dagat na Pula kan maghale kamo sa Egipto. Nabaretaan mi man kun paano nindo ginadan si Sihon asin si Og, an duwang hadeng Amoreo na taga sirangan kan Jordan.

Josue 3:17

Mantang naglalakaw sa mamarang daga an mga Israelita, dai naghale sa tahaw kan nagmarang salog an mga padi na nagpapasan kan Kaban nin Tipan sagkod na nakabalyo an gabos na tawo.

Josue 4:23

Sabihan nindo sinda na pinamara nin Kagurangnan an tubig kan Jordan para sa saindo sagkod na kamo nakabalyo, siring kan pagpamara niya kan Dagat na Pula para samo.