Exodo 14:12 - Marahay na Bareta Biblia

¹² Bakong sinabihan mi na ika bago kita naghale na arog kaini an mangyayari? Sinabihan mi ika na dai mo kami pakiaraman asin na pabayaan mo kaming magpadagos sa paglingkod sa mga Egipcio. Mas marahay pang magin oripon kami ninda ki sa magadan digdi sa kalangtadan.”

Exodo 14:12 ပူးပေါင်းရင်းမြစ်များ

Salmo 106:7

Kan an samong ginikanan yaon duman sa Egipto, dai ninda nasabotan an mga makangangalas mong gibo. Nalingawan ninda an yaman kan danay na pagkamoot mo; asin nagsombikal sa Makakamhan duman sa Dagat na Pula.

Exodo 13:17

Kan tugotan kan hade nin Egipto na humale na an mga Israelita, dai sinda pinaagi nin Dios sa daga kan mga Filisteo maski iyo ini an pinakaharaning dalan. Nagsaboot an Dios, “Tibaad magbasol an mga tawo asin magbalik sa Egipto kun mapalaban na tolos sinda.”

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Exodo 5:21

Sinabihan ninda an duwa, “Nahiling nin Kagurangnan an ginibo nindo asin huhukoman niya kamo! Huli sa saindo, naanggot sa samo an hade asin an saiyang mga opisyal. Tinawan nindo sinda nin dahelan na gadanon kami.”

Exodo 6:9

Sinabi ini ni Moises sa mga Israelita, alagad dai sinda nagtubod saiya; maluya na an saindang boot huli sa makuring kaoripnan.

Oseas 4:17

An mga taga Israel nadadara na kan kapangyarihan kan mga dios-dios; pabayaan na nindo sinda sa saindang gawe.

Jonas 4:3

Kaya ngunyan, Kagurangnan, tugote akong magadan. Mas marahay pang magadan na ako ki sa mabuhay.”

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Markos 1:24

“Ano an boot mong gibohon samo, Jesus na taga Nazaret? Nagdigdi ka sa paglaglag samo? Midbid taka: ika an banal na sugo nin Dios!”

Markos 5:7

saka nagkurahaw, “Ano an boot mo sako, Jesus aki nin Kahorohalangkaweng Dios? Sa ngaran nin Dios, nakikimaherak ako saimo, dai mo ako pagpasakitan!”