Exodo 14:10 - Marahay na Bareta Biblia

¹⁰ Kan mahiling kan mga Israelita na harani na an hade saka an saiyang mga soldados, natakot sinda asin naghagad nin tabang sa Kagurangnan.

Exodo 14:10 ပူးပေါင်းရင်းမြစ်များ

2 Mga Cronica 18:31

Kaya kan mahiling ninda si Jehosafat, nagsaboot sinda na siya na an hade nin Israel. Nagbirik sinda tanganing salakayon siya, alagad nagkurahaw si Jehosafat. Tinabangan siya nin Kagurangnan asin pinaontok an pagsalakay saiya kan mga kaiwal, huli

Nehemias 9:9

“Nahiling mo an kasakitan sa Egipto kan samong mga ginikanan; nadangog mo an saindang inagrangay duman sa Dagat na pula.

Salmo 106:44

Alagad hiniling nin Kagurangnan an saindang kasakitan, asin dinangog an saindang inagrangay.

Salmo 107:13

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 107:19

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 107:28

Dangan sa saindang kasakitan, nag-apod sinda sa Kagurangnan, asin ilinigtas niya sinda sa saindang kahorasaan.

Salmo 107:6

Dangan sa saindang kasakitan nag-apod sinda sa Kagurangnan, asin ilinigtas niya sinda sa saindang kahorasaan.

Salmo 34:17

Kun minaagrangay an mga matanos, dinadangog nin Kagurangnan; iliniligtas niya sinda sa gabos nindang kasakitan.

Salmo 53:5

Alagad aabotan sinda nin dakulang takot, na kaidto dai pa lamang nangyari; huli ta iwawarak nin Dios an mga tolang kan mga kaiwal nin saiyang banwaan. Magkakasoropog sinda huli ta isinikwal sinda nin Kagurangnan.

Salmo 81:7

Kan kamo nasa kahorasaan, inapod nindo ako asin ilinigtas ko kamo. Hale sa pinagtatagoan kong daguldol, sinimbag ko kamo. Binalo ko kamo duman sa mga burabod nin Meriba.

Exodo 13:17

Kan tugotan kan hade nin Egipto na humale na an mga Israelita, dai sinda pinaagi nin Dios sa daga kan mga Filisteo maski iyo ini an pinakaharaning dalan. Nagsaboot an Dios, “Tibaad magbasol an mga tawo asin magbalik sa Egipto kun mapalaban na tolos sinda.”

Exodo 15:25

Kaya namibi sa Kagurangnan si Moises, asin ipinahiling saiya nin Kagurangnan an sarong kaputol na kahoy. Kinua ini ni Moises dangan itinapok sa tubig asin nahale an pait kan tubig. Sa lugar na idto itinao sainda nin Kagurangnan an mga pagboot na saindang pagkukuyogon asin duman sinda pinagbalo.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Jeremias 22:23

Matiwasay kamong nagpapahingalo sa tahaw kan mga sedrong hale sa Lebanon; alagad makaheherak kamo kun abotan na kamo nin kulog, kulog na arog kan namamatean nin sarong babaeng nangangaki.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

Josue 24:6

Ilinuwas ko hale sa Egipto an saindong mga ginikanan, asin linamag sinda kan mga Egipcio na nakalunad sa saindang mga karwahe saka mga kabayo. Alagad kan makaabot sa Dagat na Pula an saindong mga ginikanan,

Josue 24:7

naghagad sinda sako nin tabang asin binugtakan ko nin kadikloman sa pagultanan ninda saka kan mga Egipcio. Tinahoban ko kan dagat an mga Egipcio dangan linamos ko sinda. Aram nindo kun ano an ginibo ko sa Egipto. “‘Haloy kamong nag-erok sa kalangtadan.

1 Juan 4:18

Sa pagkamoot mayo nin pagkatakot; huli ta an pagkatakot hinahale kan tunay na pagkamoot. Kaya bako pang tunay an pagkamoot kan tawong natatakot, huli ta an padusa kaiba kan takot.